وزیر اعلی محمود خان کا کورونا سے متاثرہ لیڈی ڈاکٹر پروفیسر زیب النساء کی وفات پر گہرے رنج و غم کا اظہار ، لواحقین سے تعزیت

پشاور(چترال ایکسپریس)وزیر اعلی خیبر پختونخوا محمود خان نے کورونا سے متاثرہ لیڈی ڈاکٹر پروفیسر زیب النساء کی وفات پر گہرے رنج و غم کا اظہار کرتے ہوئے لواحقین سے تعزیت کی ہے۔
یہاں سے جاری اپنے تعزیتی بیان میں وزیر اعلی نے اہل خانہ سے دلی ہمدردی کا اظہار کرتے ہوئے مرحومہ کی مغفرت اور پسماندگان کے لئے صبر جمیل کی دعا کی ہے۔ انہوں نے کہا ہے کہ کورونا وبا کے دوران ڈاکٹر کمیونٹی کی خدمات قابل ستائش ہیں جو دوسروں کی جانیں بچانے کے لئے فرنٹ لائن پر خدمات انجام رہے ہیں، حکومت ان کی گرانقدر خدمات اور قربانیوں کو قدر کی نگاہ سے دیکھتی ہے۔

اس خبر کو پرنٹ میں حاصل کریں