تازہ ترین
وزیر اعلی محمود خان کا ٹانک پریس کلب کے سالانہ انتخابات میں کامیابی پر پریس کلب کی نومنتخب کابینہ کو مبارکباد
پشاور(چترال ایکسپریس)وزیر اعلی خیبر پختونخوا محمود خان نے ٹانک پریس کلب کے سالانہ انتخابات میں کامیابی پر پریس کلب کی نومنتخب کابینہ کو مبارکباد دیتے ہوئے نیک خواہشات کا اظہار کیا ہے۔ یہاں سے جاری اپنے تہنیتی پیغام میں وزیر اعلی نے اُمید ظاہر کی کہ پریس کلب کے نو منتخب صدر اور دیگر عہدیدار علاقے کے مسائل کو صوبائی اور قومی سطح پراُجاگر کرنے اور اعلی صحافتی اقدار کے فروغ کے لئے اپنی قائدانہ صلاحیتیں بروئے کار لائیں گے۔ وزیر اعلی نے کہا کہ مقامی صحافتی برادری نے نو منتخب کابینہ پر جس اعتماد کا اظہار کیا ہے وہ اس اعتماد پر پورا اترنے اور صحافیوں کو درپیش مسائل کے حل کے لئے مخلصانہ کوششیں کرے گی۔
