وزیراعلی محمود خان کا شمالی وزیرستان کے علاقہ میر علی دہشت گردوں کے خلاف کاروائی میں سکیورٹی اہلکاروں کی شہادت پر اظہار تعزیت

پشاور(چترال ایکسپریس)وزیر اعلی خیبر پختونخوا محمود خان نے گزشتہ روز شمالی وزیرستان کے علاقہ میر علی دہشت گردوں کے خلاف کاروائی میں دو سکیورٹی اہلکاروں کی شہادت پر اظہار تعزیت کرتے ہوئے شہداء کے اہل سے دلی ہمدردی کا اظہار کیا ہے۔
یہاں سے جاری اپنے تعزیتی بیان میں وزیر اعلی نے شہداء کے درجات کی بلندی اور پسماندگان کے لئے صبر جمیل کی دعا ہے۔ وزیر اعلی نے واقعے میں زخمی ہونے والے اہلکاروں کی جلد صحت یابی کے لئے بھی دعا کی ہے۔ انہوں نے کہا ہے کہدہشت گردی کے خلاف جنگ میں سکیورٹی فورسز نے بے مثال قربانیاں دی ہیں
اور قوم سکیورٹی فورسز کی ان قربانیوں کو سلام پیش کرتی ہے۔

اس خبر کو پرنٹ میں حاصل کریں