وزیراعلی محمود خان کا بنوں میں نامعلوم افراد کی طرف سے پولیس اہلکار پر فائرنگ کے واقعے کی شدید مذمت

پشاور(چترال ایکسپریس)وزیراعلی خیبر پختونخوا محمود خان نے بنوں میں نامعلوم افراد کی طرف سے ڈیوٹی پر مامور پولیس اہلکار پر فائرنگ کے واقعے کی شدید مذمت کرتے ہوئے واقعے میں ہیڈ کانسٹیبل صادق خان کی شہادت پر لواحقین سے تعزیت اور ہمدردی کا اظہار کیا ہے۔
یہاں سے جاری اپنے بیان میں وزیر اعلی نے شہید کے درجات کی بلندی اور پسماندگان کے لئے صبر جمیل کی دعا کی ہے۔ وزیر اعلی نے کہا ہے کہ واقعے میں ملوث عناصر قانون کی گرفت سے نہیں بچ سکتے اور انہیں جلد گرفتار کرکے قانون کے کٹہرے میں لایا جائے گا۔

اس خبر کو پرنٹ میں حاصل کریں