وزیراعلیٰ محمود خان کا سینئر صحافی اور روزنامہ خبریں کے بانی ضیا ءشاہد کی وفات پر افسوس کا اظہار،اہل خانہ سے تعزیت

پشاور(چترال ایکسپریس)وزیراعلیٰ خیبرپختونخوا محمود خان نے سینئر صحافی اور روزنامہ خبریں کے بانی ضیا ءشاہد کی وفات پر افسوس کا اظہار کرتے ہوئے اہل خانہ سے تعزیت کی ہے۔یہاں سے جاری اپنے تعزیتی بیان میں وزیر اعلی نے لواحقین سے دلی ہمدردی کا اظہار کرتے ہوئے مرحوم کی مغفرت اور پسماندگان کے لئے صبر جمیل کی دُعا کی ہے۔ وزیر اعلیٰ نے کہا ہے کہ مرحوم ضیا ءشاہد بڑے پائے کے صحافی تھے جن کی گرانقدر صحافتی خدمات کو عرصہ دراز تک یاد رکھا جائے گا۔ درایں اثناءوزیر اعلی نے معروف صحافی اور انسانی حقوق کے علمبردار اے آر رحمن کے انتقال پر بھی افسوس کا اظہار کرتے ہوئے لواحقین سے تعزیت کی ہے۔ اپنے تعزیتی بیان میں وزیر اعلی نے اہل خانہ سے دلی ہمدردی کا اظہار کرتے ہوئے مرحوم کی مغفرت اور پسماندگان کے لئے صبر جمیل کی دُعا کی ہے۔

اس خبر کو پرنٹ میں حاصل کریں