وزیراعلی محمود خان کا سابق آئی جی پی خیبرپختونخوا ناصر درانی کے انتقال پر افسوس کا اظہار

پشاور(چترال ایکسپریس)وزیراعلی خیبر پختونخوا محمود خان نے سابق آئی جی پی خیبرپختونخوا ناصر درانی کے انتقال پر افسوس کا اظہار کرتے ہوئے لواحقین سے دلی تعزیت کی ہے۔
یہاں سے جاری اپنے تعزیتی بیان میں وزیر اعلی نے اہل خانہ سے دلی ہمدردی کا اظہار کرتے ہوئے مرحوم کی معفرت اور پسماندگان کے لئے صبر جمیل کی دعا کی ہے ۔وزیر اعلی نے کہا ہے کہ ناصر درانی ایک فرض شناس، اصول پسند اور ایماندار آفیسر تھے اور انہوں نے خیبر پختونخوا پولیس کے لئے گرانقدر خدمات انجام دی ہیں۔

اس خبر کو پرنٹ میں حاصل کریں