وزیر اعلی خیبر پختونخوا محمود خان کاسرینا ہوٹل کوئٹہ میں ہونے والے بم دھماکے کی شدید الفاظ میں مذمت

پشاور(چترال ایکسپریس)وزیر اعلی خیبر پختونخوا محمود خان نے سرینا ہوٹل کوئٹہ میں ہونے والے بم دھماکے کی شدید الفاظ میں مذمت کرتے ہوئے اسے امن دشمن عناصر کا مذموم فعل اور ملک کے امن کو خراب کرنے کی ناکام کوشش قرار دیا ہے۔ یہاں سے جاری اپنے ایک بیان میں وزیر اعلی نے واقعے میں قیمتی انسانی جانوں کے ضیاع پر افسوس کا اظہار کرتے ہوئے جاں بحق ہونے والوں کی مغفرت جبکہ زخمیوں کی جلد صحت یابی کے لئے دعا کی ہے۔ وزیر اعلی نے جاں بحق افراد کے اہل خانہ سے دلی ہمدردی کا اظہار کرتے ہوئے ان کے لئے صبر جمیل کی دعا کی ہے۔ انہوں نے کہا ہے کہ ملک دشمن عناصر ملک کے امن کو تباہ کرنے کی کوشش کر رہے ہیں مگر وہ اپنے مذموم مقاصد میں کبھی کامیاب نہیں ہونگے۔

اس خبر کو پرنٹ میں حاصل کریں