خیبر پختونخوا

وزیراعلی محمود خان کا بلوچستان کے ضلع ژوب میں سرحد پار سے ایف سی کے دستے پر دہشت گرد حملے کی شدید مذمت

پشاور(چترال ایکسپریس)وزیراعلی خیبر پختونخوا محمود خان نے بلوچستان کے ضلع ژوب میں سرحد پار سے ایف سی کے دستے پر دہشت گرد حملے کی شدید مذمت کرتے ہوئےواقعے میں ایف سی کے چار جوانوں کی شہادت پر اظہار تعزیت کی ہے۔
یہاں سے جاری اپنے ایک بیان میں وزیر اعلی نے شہداء کے اہل خانہ سے دلی ہمدردی کا اظہار کرتے ہوئے شہداء کے درجات کی بلندی اور لواحقین کے لئے صبر جمیل کی دعا کی ہے وزیر اعلی نے واقعے میں زخمی ہونے والے ایف سی جوانوں کی جلد صحت یابی کے لئے بھی دعا کی ہے۔ انہوں نے کہا ہے کہ اس طرح کے واقعات سکیورٹی فورسز کے حوصلے پست نہیں کرسکتے، ملک میں امن کے لئے سکیورٹی اداروں نے لازوال قربانیاں دی ہیں اور قوم ان کی قربانیوں کو سلام پیش کرتی ہے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔