وزیر اعلی محمود خان کا پٹن کوہستان میں ایمبولینس کو پیش آنے والے حادثے میں نو افراد کے جان بحق ہونے پر گہرے رنج و غم اور افسوس کا اظہار

پشاور(چترال ایکسپریس)وزیر اعلی خیبر پختونخوا محمود خان نے پٹن کوہستان میں ایمبولینس کو پیش آنے والے حادثے میں نو افراد کے جان بحق ہونے پر گہرے رنج و غم اور افسوس کا اظہار کرتے ہوئے لواحقین سے تعزیت کی ہے۔
یہاں سے جاری اپنے تعزیتی بیان میں وزیر اعلی نے اس افسوسناک واقعے میں جان بحق افراد کے اہل خانہ سے دلی ہمدردی کا اظہار کرتے ہوئے مرحومین کی معفرت اور پسماندگان کے لئے صبر جمیل کی دعا کی ہے۔ وزیر اعلی نے واقعے میں زخمی افراد کی جلد صحت یابی کے لئے بھی دعا کی ہے۔

اس خبر کو پرنٹ میں حاصل کریں