خیبر پختونخوا

وزیراعلی محمود خان کا دیر،جندول معیار بازار میں ٹریفک پولیس کی طرف سے شہری پر تشدد کے واقعے کا سخت نوٹس

پشاور(چترال ایکسپریس)وزیراعلی خیبر پختونخوا محمود خان نے دیر، جندول معیار بازار میں ٹریفک پولیس کی طرف سے شہری پر تشدد کے واقعے کا سخت نوٹس لیتے ہوئے پولیس کے متعلقہ حکام کو واقعے کی غیر جانبدارانہ انکوائری کرکے پولیس اہلکار کے خلاف قانونی کارروائی عمل میں لانے کی ہدایت کی ہے۔
یہاں سے جاری اپنے ایک بیان میں وزیر اعلی نے کہا ہے کہ تشدد کے مرتکب پولیس اہلکار کے خلاف قانون کے مطابق سخت کارروائی عمل میں لائی جائے گی اور متاثرہ شہری کو انصاف فراہم کیا جائے گا۔ انہوں نے مزید کہا کہ پولیس کا کام شہریوں کے جان و مال کا تحفظ ہے، اس طرح کے واقعات غیر قانونی اور نا قابل برداشت ہیں اور کسی کو بھی قانون اپنے ہاتھ میں لینے کی اجازت نہیں دی جائے گی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
مزید دیکھائیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔