تازہ ترین

چترال جغور کے مقام پر گاڑی کی ٹکر سے خاتون زخمی۔مشتعل افراد کاچترال پشاور روڈ دوگھنٹے تک بلاک

چترال(چترال ایکسپریس)چترال جغور کے مقام پر گاڑی(غواگے) نے خاتون زوجہ محمد خان کو ٹکر مارکر زخمی کردیا۔جس پر اہلیان علاقہ نے مشتعل ہوکر چترال پشاور روڈ کو دو گھنٹے تک بلاک کرکے رکھا۔تفصیلات کے مطابق ایک گاڑی(غواگے) نمبرNCP2593 نے شام کو راہگیر خاتون زوجہ محمد خان کو ٹکر مار کرزخمی کردیا۔جسے ڈی ایچ کیو ہسپتال چترال پہنچایا گیا۔جس پر علاقہ کے لوگوں نے طیش میں آکر روڈ بلاک کردیا۔
اس موقع پر مظاہرین کا موقف تھا کہ علاقہ میں اورسپیڈ کے وجہ سے ماضی قریب میں کئی حادثات رونما ہوچکے ہیں جسمیں کئی قیمتی جانوں کا ضائع بھی ہوچکا ہے۔اُنہوں نے کہا کہ علاقہ60گھرانہ پر مشتمل ہے اور یہاں 8سکول ہیں جس میں 5سرکاری اور تین پرائیوٹ سکولز شامل ہیں۔اس روڈ کے وجہ سکول کے بچوں سمیت راہگیر بھی غیر محفوظ ہوگئے ہیں،پہلے روڈ کے دونوں اطراف راہگیروں کے لئے فٹ پاتھ بنے ہوئے تھے جبکہ ابھی اُن فٹ پاتھوں کو ختم کرکے روڈ کے دونوں اطراف شولڈر بنائے گئے ہیں جس کے وجہ سے حادثات میں اضافہ ہوگیا ہے۔اُنہوں نے ضلعی انتظامیہ سے مطالبہ کیا کہ روڈ کے مختلف مقامات پر اسپیڈ بریکر بنائے جائیں۔درین اثناء ضلعی انتظامیہ کی طرف سے اے اے سی ربنواز نے موقع پر پہنچ کر مظاہرین کو یقین دہانی کی کہ روڈ پر اسپیڈ بریکر بنائے جائینگے جس پر مظاہرین نے دوگھنٹے سے بلاک روڈ کو کھول دیا۔مظاہرین نے غواگے گاڑی کو بھی اپنی تحویل میں لیکر پولیس کو حوالہ کرنے سے انکار کردیا ہے۔مظاہرین نے حادثات کے سدباب کے لئے ڈی پی او چترال سے بھی مذکورہ روڈ پر ٹریفک اہلکاروں کی تعیناتی کے لئے پرزور مطالبہ کیا ہے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
مزید دیکھائیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔