وزیر اعلی محمود خان کالکی مروت کے علاقہ شہباز خیل میں نامعلوم افراد کی پولیس پر فائرنگ کی مذمت

پشاور(چترال ایکسپریس)وزیر اعلی خیبر پختونخوا محمود خان نے لکی مروت کے علاقہ شہباز خیل میں نامعلوم افراد کی پولیس پر فائرنگ کی مذمتکرتے ہوئے واقعے میں اے ایس آئی کلیم اللہ کی شہادت پر تعزیت کی ہے۔ یہاں سے جاری اپنے ایک بیان میں وزیر اعلی نے شہید کے اہل خانہ سے دلی ہمدردی کا اظہار کرتے ہوئے شہید کے درجات کی بلندی اور پسماندگان کے لئے صبر جمیل کی دعا کی ہے۔ انہوں نے کہا ہے کہ صوبائی حکومت اہل خانہ کے غم میں برابر کی شریک ہے اور انہیں تنہا نہیں چھوڑے گی۔ وزیر اعلی نے پولیس کو واقعے میں ملوث افراد کی فوری گرفتاری کے لئے ضروری اقدامات کی ہدایت کی ہے۔

اس خبر کو پرنٹ میں حاصل کریں