تحصیل چیرمین چترال کے امیدوار حاجی محمد یحیٰ پی ٹی آئی کے امیدوار شہزادہ امان الرحمن کے حق میں دستبردار

چترال (نمائندہ چترال ایکسپریس) گولدور کے معروف سماجی و سیاسی شخصیت اور تحصیل چیرمین چترال کے امیدوار حاجی محمد یحیٰ نے پی ٹی آئی کے امیدوار شہزادہ امان الرحمن کے حق میں دستبردار ہونے اور ان کی کامیابی کے لئے دن رات ایک کرکے محنت کرنے کا اعلان کردیا۔ پی ٹی آئی کے رہنماؤں شہزادہ امان الرحمن، شجاع الرحمن،نزیر احمد اور الطاف گوہر کی معیت میں پریس کانفرنس سے خطاب کرتے ہوئے انہوں نے کہاکہ وہ پی ٹی آئی کی حمایت غیر مشروط طور پرکررہے ہیں تاکہ نوجوان قیادت کو آگے اور علاقے کی خدمت کا موقع مل سکے اور یہ پسماندہ علاقہ ترقی سے ہمکنار ہوسکے۔ انہوں نے کہاکہ شہزادہ امان الرحمن جذبہ خدمت سے سرشار اعلیٰ تعلیم یافتہ نوجوان ہیں جس میں بے پناہ صلاحیت اور ٹیلنٹ موجود ہے جسے بروئے کارکرکے چترال تحصیل کو مسائل کے گرداب سے نکال سکتا ہے۔ انہوں نے کہا کہ چترال کے مایوس عوام اب نوجوان قیادت کی طرف دیکھ رہے ہیں کیونکہ ماضی میں روایتی سیاستدانوں نے انہیں سبز باغ دیکھانے اور مایوس کرنے کے سوا کچھ نہیں کیا اور یہ شہزادہ امان الرحمن کا قوم پر احسان ہے کہ انہوں نے اپنی آرام و راحت کو چھوڑکرعلاقے کی پسماندگی کو دورکرنے کے لئے انتخابی میدان میں کود پڑے ہیں۔ اپنے خطاب میں شہزادہ امان الرحمن نے حاجی یحیٰ اور ان کے ساتھیوں کا شکریہ ادا کرتے ہوئے کہاکہ کامیابی کی صورت میں وہ قوم کو مایوس نہیں کریں گے اور اپنی تمام تر توانائی اور صلاحیتیں بروئے کار لائیں گے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔