پیپلز پارٹی کو 111 ووٹوں کی برتری حاصل ہے۔،تاخیر کی واحد وجہ پی ٹی آئی کی طرف سے نتائج میں ہیرا پھیری کی کوشش ہےشہزادہ خالد پرویز

چترال(چترال ایکسپریس)پیپلز پارٹی کے امیدوار برائے تحصیل کونسل دروش لوئر چترال شہزادہ خالد پرویز نے ایک بیان میں کہا ہے کہ کمسائی پولنگ سٹیشن کے انتخابی نتائج پراسرار وجوہات کی بنا پر روکے جا رہے ہیں اور ان کا اعلان نہیں کیا گیا۔

انہوں نے کہا کہ پیپلز پارٹی کو 111 ووٹوں کی برتری حاصل ہے۔

تاخیر کی واحد وجہ پی ٹی آئی کی طرف سے نتائج میں ہیرا پھیری کی کوشش ہے۔ انہوں نے الیکشن کمیشن سے انتخابی عمل کی سالمیت کو برقرار رکھنے کا مطالبہ کیا۔

یہ آخری پولنگ سٹیشن ہے جس کے 24 گھنٹے ہونے کے باوجود ابھی تک نتائج کا اعلان نہیں کیا گیا۔ پولنگ سٹیشن پیپلز پارٹی کا گڑھ سمجھا جاتا ہے کیونکہ تحصیل صدر کا تعلق مذکورہ گاؤں سے ہے۔

پولنگ سٹیشن (کمسائی ارندو) کے ووٹوں کی ابھی تک گنتی نہیں ہوئی جو کہ الیکشن کمیشن کے پروٹوکول کی صریح خلاف ورزی ہے۔ ووٹوں کا اعلان روکا جا رہا ہے۔

انہوں نے کہا کہ اس دوران پی ٹی آئی کے ایک وزیر نے بھی پولنگ سٹیشن کا دورہ کیا اور انتخابی افسران پر اثر انداز ہونے کے لیے سرکاری مشینری کا غلط استعمال کیا جا رہا ہے۔ پی ٹی آئی کے امیدوار برائے تحصیل ناظم مذکورہ پولنگ سٹیشن میں زبردستی دوبارہ پولنگ کرانے کی کوشش کر رہے ہیں اور اصرار کر رہے ہیں کہ پولنگ ووٹوں کی گنتی نہ کی جائے۔

انہوں نے الیکشن کمیشن سے درخواست کرتے ہوہے کہاکہ وہ فوری ایکشن لے اور دروش کے آر اوز کو فوری طور پر نتائج کی گنتی کا حکم دیں

اس خبر کو پرنٹ میں حاصل کریں