وزیراعلی محمود خان کی پشاور میں تھانہ انقلاب کی حدود میں پولیس پر نامعلوم افراد کے فائرنگ کی مذمت
پشاور(چترال ایکسپریس)وزیراعلی خیبر پختونخوا محمود خان نے پشاور میں تھانہ انقلاب کی حدود میں پولیس پر نامعلوم افراد کے فائرنگ کی مذمت کرتے ہوئے واقعے میں پولیس انسپکٹر کی شہادت پر تعزیت کا اظہار کیا ہے۔ یہاں سے جاری اپنے ایک بیان میں وزیر اعلی نے شہید کے اہل خانہ سے دلی ہمدردی کا اظہار کرتے ہوئے شہید کے درجات کی بلندی اور پسماندگان کے لئے صبر جمیل کی دعا کی ہے اور کہا ہے کہ حکومت شہید کے اہل خانہ کو تنہا نہیں چھوڑے گی۔ انہوں نے کہا ہے کہ صوبے میں امن و امان کے لئے پولیس نے لازوال قربانیاں دی ہیں اور اس طرح کے واقعات سے پولیس کے حوصلے پست نہیں ہونگے۔
اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
