وزیراعلیٰ محمود خان کی شمالی وزیرستان میں پولیو ٹیم پر حملے کی شدید مذمت، حملے میں پولیس اہلکاروں اور پولیو ورکر کی شہادت پر تعزیت

پشاور(چترال ایکسپریس)وزیر اعلیٰ خیبر پختونخوا محمود خان نے شمالی وزیرستان میں پولیو ٹیم پر حملے کی شدید مذمت کرتے ہوئے حملے میں پولیس اہلکاروں اور پولیو ورکر کی شہادت پر تعزیت کی ہے۔ یہاں سے جاری اپنے ایک بیان میں وزیر اعلیٰ نے متاثرہ خاندانوں سے دلی ہمدردی کا اظہار کرتے ہوئے شہداءکے درجات کی بلندی اور پسماندگان کے لئے صبر جمیل کی دعا کی ہے۔ پولیو وائرس کے خاتمے کے لئے فرنٹ لائن پر کام کرنے والے ورکرز اور سکیورٹی اہلکاروں کو اصل ہیرو قرار دیتے ہوئے انہوں کہا کہ پولیو مہم کے دوران شہید ہونے والے اہلکاروں کی قربانیوں کو ہمیشہ کے لئے یاد رکھا جائے گا۔ پولیو ٹیموں پر حملہ کرنے والوں کو قوم کے بچوں کے محفوظ مستقبل کا دشمن قرار دیتے ہوئے وزیر اعلیٰ نے کہا کہ ایسے بزدلانہ واقعات سے پولیو ٹیموں کے حوصلے پست نہیں ہونگے۔
دریں اثناءوزیر اعلیٰ نے پولیس کو حملے میں ملوث عناصر کی فوری گرفتاری کے لئے ضروری اقدامات کی ہدایت کی ہے اور کہا ہے کہ واقعے میں ملوث عناصر کو ہر صورت کیفر کردار تک پہنچایا جائے گا۔

اس خبر کو پرنٹ میں حاصل کریں