ڈی ایچ او اور ایم ایس اپر چترال کی ڈائیلیسز مشین نہ لینے کی بے بنیادخبروں اورالزامات کی بھر پور مذمت

اپرچترال (چترال ایکسپریس)ڈی ایچ او اپر چترال ارشاداحمد اور ایم ایس  ڈی ایچ کیو اپر چترالڈاکتر فرمان ولی نے ایک وضاحتی بیان میں کہا ہے کہ  ڈائیلیسز مشین نہ لینے کی خبروں میں کوئی صداقت نہیں بے بنیاد الزامات کی ہم بھر پور مذمت کرتے ہیں
انہوں نے کہا کہ گزشتہ روز ایک نیوز چینل پر ہیڈکوارٹر ہسپتال بونی کے لئے ڈائیلیسز مشین نہ لینے کے حوالے سے ایک جھوٹی خبر شائع ہوئی اورسوشل میڈیا پر ایسی من گھڑت اور بے بنیاد الزام تراشیاں دیکھ کر دکھ اور افسوس ہوا،
ڈسٹرکٹ ہیلتھ آفیسر اپرچترال ڈاکٹر ارشاد احمد  نے کہا کہ ہم عوام کی فلاح و بہبود اور بہترین طبی سہولیات فراہم کرنے کی بھرپور کوشش کرتے ہیں
ہماری اولین ترجیح عوام کو صحت کے بہترین سہولیات مہیا کرنا ہے۔ایم ایس ہیڈکوارٹر ہسپتال ڈاکٹر فرمان ولی خان ایڈمنیسٹریش کیساتھ ساتھ بذات خود روزانہ کے بنیاد پر او پی ڈی چلا کر عوام کی خدمت کر رہے ہیں مگر عوام وسائل دیکھنے کے بجائے امریکہ اور برطانیہ جیسے علاج کی توقع کر رہے ہیں۔

ایم ایس ہیڈکوارٹر ہسپتال بونی ڈاکٹر فرمان ولی خان کا کہنا تھا کہ پاکستان تحریک انصاف یوتھ ونگ کے خودساختہ سربراہ تصدیق کئے بغیر بے بنیاد الزامات لگا رہے ہیں مگر وہ ہمارے دفتر آکر ان سارے الزامات کی تصدیق کرنے کی زحمت بھی گوارہ نہیں کرتے اور گھر بیٹھے سوشل میڈیا پر الزامات لگانا شروع کردیاجو کہ انتہائی بے ہودہ حرکت ہے
انہوں نے کہا کہ کچھ ہفتے پہلے بونی سے تعلق رکھنے والے ایک بندہ میرے پاس آیا اورکہا کہ میرے والد صاحب گردوں کا مریض ہے اور ان کو ڈائیلیسز پہ رکھا ہوا ہے۔ اس شخص کا کہنا تھا کہ کسی ڈونر نے وعدہ کیا ہے کہ اگر ہسپتال میں سہولیات ہیں تو میں گردوں کے صفائی کے لئے ڈائلیسزمشین مہیا کروں گا۔ یہ سن کر میں بہت خوش ہوا اور انہیں ڈسٹرکٹ ہیلتھ آفیسر اپرچترال سے بھی ملاقات کرنے کا کہا اور میں نے خود اس بابت ڈسٹرکٹ ہیلتھ آفیسر اپرچترال کو آگاہ کیا
ڈسٹرکٹ ہیلتھ آفیسر اپرچترال ڈاکٹر ارشاد احمد نے بھی خوشی کا اظہار کیا اور اس عمل کو سراہا
پھرہم دونوں نے ڈپٹی کمشنر اپر چترال سے ملاقات کرکے صورتحال سے آگاہ کیا ڈائیلیسز مشین کیساتھ دوسری ضروری مشینوں جن کے بغیر یہ مشین کام نہیں کرتا ان کی تفصیلات بھی بتا دی ڈاکٹر و ٹیکنیشن کی بھی بات کی اور خرچے کا بھی بتایا۔ انہوں نے مزید بتایا کہ اگر کسی کو مزید تصدیق کی ضرورت ہے تو وہ ڈپٹی کمشنر اپرچترال  منظور احمد آفریدی سے تصدیق کرسکتے ہیں
ڈی ایچ او ڈاکٹر ارشاد احمد  کا مزید کہنا تھا اگر میں چاہتا تو اس قسم کی بلاوجہ الزامات لگانے والے کے خلاف آئینی و قانونی کاروائی بھی کرتا مگر میں نہیں چاہتا میری وجہ سےکسی بھی بندے کو تکلیف اٹھانا پڑےانہوں نے  سوشل میڈیا پیجز چلانے والوں سے بھی گزارش کرتے ہوئے کہا کہ تصدیق کرکے خبر چلایا کریں میرے آفس کے دروازے سب کے لیے کھلے ہیں۔
آج بھی ہم اپنے بات پر قائم ہیں جو دوست احباب ڈائیلیسز مشین ڈونر کرنا چاہتے ہیں تو بلاتاخیر ڈونر کریں یہ ان کا اہلیان اپرچترال پر احسان ہوگا اور ہم ان کے مشکور ہونگےہمارا عزم تمام مریضوں کوبلاتفریق سہولیات فراہم کرناہے۔

اس خبر کو پرنٹ میں حاصل کریں