جامعہ چترال میں وزیر اعلیٰ کالاشہ سکالر شپ کے چیک تقسیم کرنے کی تقریب:

چترال(چترال ایکسپریس)وزیر اعلیٰ کالاشہ سکالر شپ کے چیک تقسیم کرنے کی تقریب یونیورسٹی آف چترال میں منعقد ہوئی۔ پروگرام کے مہمان خصوصی وزیر اعلیٰ کے مشیر برائے اقلیتی امور وزیر زادہ تھے۔ اس موقع پر وائس چانسلر یونیورسٹی آف چترال پروفیسر ڈاکٹر ظاہر شاہ بھی موجود تھے۔ وائس چانسلر نے کہا کہ چیف منسٹر کالاشہ اسکالرشپ کی دستیابی کے نتیجے میں یونیورسٹی آف چترال میں کالاشہ کے طلباء کے داخلے میں فی سمسٹر اضافہ ہو رہا ہے۔ پہلے مرحلے میں کالاشہ کے 12 طلباء کو اسکالرشپ کے چیک موصول ہوئے۔ وزیر زادہ نے طلباء پر زور دیا کہ وہ اپنی پڑھائی پر توجہ دیں اور وادی کالاش کے طلباء کو اپنی اعلیٰ تعلیم حاصل کرنے کے لیے مزید اسکالرشپ فراہم کرنے کا وعدہ کیا۔ پرووسٹ، یونیورسٹی آف چترال پروفیسر ڈاکٹر تاج الدین اور پراجیکٹ ڈائریکٹر یونیورسٹی آف چترال انجینئر ضیاء اللہ نے کالاشہ کے طلباء میں چیک تقسیم کئے۔ وائس چانسلر نے مہمان خصوصی کی شرکت اور کالاشہ کے طلباء کی تعلیم میں دلچسپی ظاہر کرنے پر شکریہ ادا کیا۔

اس خبر کو پرنٹ میں حاصل کریں