مشکل وقت میں لاسپور کو تن و تنہا چھوڑنے پرعوام میں شدید مایوسی پھیل گئی ہے۔
ضلعی انتظامیہ اپرچترال، عوامی نمائیندوں اور فلاحی اداروں سے اپیل ہے کہ لاسپور کی طرف بھی توجہ دی جائے تاکہ کسی بڑی مشکل سے بروقت قابو پایا جاسکے.
اپرچترال (چترال ایکسپریس))اپرچترال لاسپور سے تعلق رکھنےچیرمین ویلج کونسلز و ممبران ہرچین و بروک شیراعظم، سورلاسپور و بالیم محمدوزیرخان، رامان و گشٹ پھردل امان شاہ نےایک بیان میں کہا ہے کہ حالیہ نہ تھمنے والی بارشوں کی وجہ سے جہاں ملک کے دوسرے حصے کو مفلوج کرکے رکھ دیا ہے وہاں وادی لاسپور کو بھی اپنے لپیٹ میں لیا ہے۔ 
فصلیں مکمل طور پر تباہ، مکانات جزوی متاثر, نہریں متاثر، پینے کے پانی کا نظام برباد ہونے کے ساتھ ساتھ سڑکیں بھی تباہ ہوچکی ہیں۔ مجال ہے ضلعی انتظامیہ یا کوئی فلاحی ادارے علاقے کا نام بھی لیں۔ ہر مشکل وقت میں لاسپورکے عوام کی قربانیاں کسی سے ڈھکی چھپی نہیں، مگر افسوس ہے، ان کے مصیبت کے وقت کوئی انکی مدد یا حال پوچھنے کا گوارہ تک بھی نہیں کیا۔
اُنہوں نے کہا کہ لاسپورویلی میں فصلین مکمل طور پر خراب ہوگئی ہیں 
جوکہ غذائی ضروریات کو پورا کرنے کا واحد ذرائعہ تھا، لاسپور میں غذائی قلت پیدا ہونے کا خدشہ ہے۔ غذائی قلت کے خدشے کے ساتھ ساتھ لوگوں کا پینے کا صاف پانی کی فراہمی بھی متاثر ہوچکی ہے بروقت پینے کے پانی کو بحال نہ کرنے کی صورت میں حفظان صحت پرمنفی اثرات پیدا ہوسکتے ہیں۔ جہاں نہریں تباہ ہوئے ہیں وہیں اگلے سال فصلیں پھر سے متاثر ہوسکتے ہیں جس کی وجہ سے اگلے سال بھی غذائی قلت کا سامنا ہوسکتا ہے۔
مکانات کو جزوی نقصان پہنچا ہے جوکہ کسی بھی وقت خطرے میں ہیں۔
گشٹ سے ہرچین سڑک بھی بند ہے، گشٹ سے سکول کےبچے شاہی داس سے ہوکر ہرچین سکول کی جاتے ہیں جو کہ طول مسافت طے کرکے سکول جاتے ہیں۔
انہوں نے کہا کہ معاون خصوصی وزیرزادہ نے اپنے دورے کے دوران علاقے کے لئے چار پانج کروڑ کے پیکیج کے ساتھ ہرویلج کونسل کے چیرمین کے لئے تیس لاکھ تک فنڈز مہیا کرنے کا وعدہ کیا تھا جس پر ابھی تک عمل درامد ہوتا نظر نہیں ارہا، عوام بھی اس کو صرف اعلان ہی کی حد تک دیکھ رہا ہے۔
لہذا ضلعی انتظامیہ اپرچترال، عوامی نمائیندوں اور فلاحی اداروں سے اپیل ہے کہ لاسپور کی طرف بھی توجہ دی جائے تاکہ کسی بڑی مشکل سے بروقت قابو پایا جاسکے.
