پارٹی چیرمین عمران خان پر حملے کے خلاف اپر چترال کے مختلف علاقوں میں پر امن احتجاج ریکارڈ کرایا گیا۔

اپرچترال(چترال ایکسپریس)پارٹی چیرمین عمران خان و ساتھیوں پر حملے کے خلاف اپر چترال کے مختلف علاقوں میں پر امن احتجاج ریکارڈ کرایا گیا۔ مستوج اپر چترال میں نائب صدر سید حبیب اللہ شاہ، پارٹی رہنما فدا علی، عاشق و دیگر کی قیادت میں زبردست احتجاج ریکارڈ کرایا گیا، اور اس مذموم اقدام کی بھر پور مذمت کی گئی۔ جبکہ لاسپور میں نائب صدر زلفی ہنر شاہ، عزت مند شاہ و دیگر کی قیادت میں احتجاج ریکارڈ کرایا گیا۔
آوی میں بھی اس سلسلے میں کارنر میٹنگ کی گئی جس میں نائب صدر وومن ونگ ملاکنڈ ڈویژن ثریا بی بی، پارٹی رہنما نور عالم ، انفارمیشن سیکرٹری پاکستان تحریک انصاف افگں رضا، صدر وی سی آوی سید غازی نے شرکت کی اور اس اقدام کی بھرپور مذمت کی ۔ انہوں نے کہا کہ ہم چیئرمین عمران خان  کی کال پر اسلام آباد کیلئے بلکل تیار ہیں۔ مظاہرین کا کہنا تھا کہ عمران خان اس وقت عالم اسلام کے لیڈر ہیں اس طرح کے گھناونے حرکت سے اسے نہ ڈرایا جا سکتا ہے نہ کمزور کیا جا سکتا ہے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔