اے ڈی سی جنرل /سیٹلمنٹ افیسر چترال محمد عرفان الدین کی سربراہی میں دریاۓ چترال کے کناروں پر تجاوزات کے حوالے سے میٹنگ ۔

چترال(نمائندہ چترال ایکسپریس )صوبائی حکومت اور پشاور ہائی کورٹ کے احکامات کی روشنی میں ایڈیشنل ڈپٹی کمشنر جنرل /سیٹلمنٹ افیسر اپر و لوئر چترال محمد عرفان الدین کی سربراہی میں دریاۓ چترال کے کناروں پر تجاوزات کے حوالے سے میٹنگ منعقد ہوئی ۔

جس میں سیٹلمنٹ سٹاف اور دوسرے متعلقہ اداروں کے سربراہان نے شرکت کی۔
میٹنگ میں دریاۓ چترال کی خوبصورتی کے حوالے سے تبادلہ خیال ہوا۔ اور دریا کے کناروں پر کیۓ گۓ تجاوزات کے بارے میں گفتگو ہوئی ۔

میٹنگ میں فیصلہ ہوا کہ سیٹلمنٹ سٹاف تجاوزات کی نشاندہی کر کے متعلقہ لوگوں کو نوٹس ایشو کرینگے ۔ نوٹس کے بعد ایریگیشن ڈیپارٹمنٹ تجاوزات کے خلاف اپریشن کرے گا۔ تا کہ دریا کی قدرتی خوبصورتی متاثر نہ ہو۔ اور موسیمیاتی تبدیلیوں میں دریا کے روانی کی وجہ سے ہونے والی نقصانات سے عوام کو محفوظ رکھا جا سکے۔

اس خبر کو پرنٹ میں حاصل کریں