اپرچترال میں ریشن پاور ہاؤس سے ملنے والی بجلی کی منصفانہ تقسیم کے حوالے سے ڈپٹی کمشنر کے زیرصدارت اہم میٹنگ
اپرچترال (ذاکرمحمدزخمی)اپر چترال میں ریشن پاؤر ہاؤس سے ملنے والی بجلی کی لوڈ شیڈنگ اور اس کی منصفانہ تقسیم کے حوالے سے ایک اہم میٹنگ زیر صدارت محمد علی 
خان ڈپٹی کمشنر اپر چترال منعقد ہوئی۔
میٹنگ میں فدالکریم ایڈیشنل ڈپٹی کمشنر، ربنواز خان ایڈیشنل اسسٹنٹ کمشنر، نوید احمد ایڈیشنل اسسٹنٹ کمشنر، وکیل خان اسسٹنٹ ریزیڈنٹ انجنئر پیڈو ریشن اور اپر چترال کے تمام علاقوں سے عمائدین اور عوامی نمائندوں نے شرکت کی۔ میٹنگ بلانے کا مقصد اپر چترال میں بجلی کی غیر منصفانہ تقسیم کے نتیجے میں پیدا ہونے والے افراتفری کو ختم کرنا مقصود تھا۔ میٹنگ میں بجلی کی پیداواری صلاحیت اور اس کی مجوزہ تقسیم پر سیر حاصل بحث کی گئی ۔ میٹنگ میں جملہ شراکاء نے ائندہ کے لئے اپر چترال کے تمام علاقوں میں بجلی کی منصفانہ تقسیم پر اپس میں اتفاق کیا۔
ڈپٹی کمشنر نے 
شراکاء کو اگاہ کیا کہ ائندہ بجلی کی تقسیم تمام علاقوں کے لئے یکسان اور منصفانہ طور پرہوگا اور بجلی کی پیداواری صلاحیت کو بڑھانے کے لئے تمام ممکنہ اقدامات اٹھائے جائیں گے تاکہ اپر چترال میں بجلی کی فقدان اور طویل لوڈ شیڈنگ پر قابو پایاجا سکے۔
شراکاء میٹنگ نے 
9بجلی جیسی بنیادی ضرورت کی منصفانہ طور پر تقسیم کو یقینی بنانے کے لئے میٹنگ کے انعقاد پر ڈپٹی کمشنر کا شکریہ ادا کئے۔
