جامعہ چترال نے ایم اے (پرائیویٹ) کے سالانہ امتحانات برائے 2022 کے نتائج کا اعلان کردیا۔

چترال (چترال ایکسپریس ) کنٹرولر امتحانات یونیورسٹی آف چترال کے دفتر سے جاری ایک اعلامیے کے مطابق جامعہ نے مختلف مضامین میں ایم اے پرائیویٹ کے سالانہ امتحانات برائے 2022 کے نتائج کا اعلان کردیا ہے۔ تفصیلات کے مطابق آٹھ مضامین (اسلامیات، انگریزی، اردو، انٹرنیشنل ریلیشنز، پولیٹیکل سائنس، عربی، معاشیات اور ہسٹری) میں مجموعی طور پر 867 امیدواروں نے حصہ لیا جن میں 728 امیدوار کامیاب قرار پائے۔ یوں کامیابی کا مجموعی تناسب 83.97 فیصد رہا۔امیدواران اپنے نتائج یونیورسٹی کے ویب سائٹ پر دیکھ سکتے ہیں۔جبکہ ڈی ایم سی ہر امیدوار کے مستقل پتے پر ارسال کئے جارہے ہیں۔

 اعلامیے میں مزید کہا گیا ہے کہ مذکورہ امتحانات کے دوران بنائے گئے یو۔ایف۔ایم کیسوں کی سماعت مورخہ یکم فروری 2023 کو جامعہ چترال میں ہوگی جس میں امیدوار کا بذات خود حاضر ہوکرکمیٹی کے سامنے اپنا موقف پیش کرنا لازمی ہے۔بصورت دیگر یکطرفہ کاروائی عمل میں لائی جائےگی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔