چترال میں خوفناک زلزلہ ، چھ خواتین سمیت پندرہ افراد زخمی ، کئی مکانات کو نقصان پہنچا ،بجلی بند ، نہری نظام متاثر ۔

چترال (چترال ایکسپریس ) چترال میں گذشتہ رات خوفناک زلزلہ آیا ۔ زلزلےکے جھٹکوں کے ساتھ لوگ گھروں سے خوف وہراس اورچیخ وپکار کے ساتھ کھلی جگہوں کی طرف دوڑے اور کلمہ طیبہ کا ورد کرتے رہے ۔ چترال میں زلزلے کے نتیجے میں

Exif_JPEG_420

پندرہ افراد زخمی ہوئے ۔ جن میں معمولی اور شدید نوعیت کے ذخمی شامل ہیں ۔ بکر آباد کے مقام پر مکان گرنے سے ایک خاتوں زوجہ زوجہ شیر اعظم شدید زخمی ہوئیں ۔ جبکہ دیگر زخمیوں میں محمد خان سنگور ، محمد آیان دنین ، عرفان عزیز زرگراندہ ،ریاض علی شاہ دنین ، سلیکہ ساکن عشریت ، اعجاز جغور ، جاوید اقبال مغلاندہ ، زوجہ غفار گولدور ، فریحہ عثمان جغور کورو ، زوجہ جاوید احمد دنین ، صائمہ قائم مولدہ ،زوجہ حضرت جنگ بازار شمس ا لرحمن پرواک حال چترال شہر اور محمد نذیر جغور شامل ہیں ۔ زخمیوں کو ڈی ایچ کیو ہسپتال چترال میں طبی امداد دی گئی ۔ ور بعض کوفارغ کردیا ۔ زخمیوں کوفوری طبی امداد دینے اور ہسپتالوں تک پہنچانے میں ریسکیو 1122 نے مدد دی ۔ ڈپٹی کمشنر چترال محمد علی خان اور ڈی پی او چترال لوئر اکرام خان نے ڈی ایچ کیو ہسپتال میں زخمیوں کی عیادت کی ۔ اور ہر قسم علاج مہیا کرنے کی ہدایت کی ۔ چترال شہر کے مقام بکر آباد میں نہر کی دیوار ٹوٹنے سے نہری پانی اور ملبہ سڑک پر گرا ۔ جس سے ٹریفک عارضی طور پر بند رہا ۔ تاہم بعد آزان روڈسے ملبہ ہٹا کر ٹریفک بحال کر دی گئی ۔ زلزلے کے بعد موبائل رابطوں میں شدید مشکلات رہی ۔جس پر لوگوں کو ایک دوسرے کی خیریت دریافت کرنے میں مشکلات رہی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔