چترال(چترال ایکسپریس)ڈی پی او اور ڈی سی لوئر چترال کی سوات دھماکے میں زخمی ہونے والے پولیس جوان ظاہر احمد کی عیادت

چترال(چترال ایکسپریس)ڈسٹرکٹ پولیس آفیسر لوئر چترال اکرام اللہ نے سی۔ٹی۔ڈی پولیس اسٹیشن کبل سوات دھماکے میں زخمی ہونے والے لوئر چترال پولیس ایلیٹ فورس کے جوان ظاہر احمد کے گھر فیض آباد ہون جاکر ان کی عیادت کی۔اس موقع پر ڈپٹی کمشنر محمد علی خان بھی ان کے ہمراہ تھے۔ڈی۔پی۔او اور ڈپٹی کمشنر نے زخمی جوان کو پھولوں کا گلدستہ پیش کیا۔

دونوں افسران نے لوئر چترال پولیس ایلیٹ فورس کے زخمی جوان ظاہر احمد کو اب تک فراہم کردہ علاج و معالجہ کے بارے میں دریافت کیا اور کہا کہ ظاہر احمد عزم وہمت اور شجاعت کے پیکر اور فورس کا قیمتی اثاثہ ہیں اور ان کے بہترین علاج و معالجہ میں کوئی کسر نہ چھوڑیں گے ۔انشاء اللہ آپ جلد صحت یاب ہوکر اپنے ڈپارٹمنٹ کو جوائن کرکے اپنے ملک اور عوام کی حفاظت کریں گے۔

دھماکے میں زخمی ہونے والے لوئر چترال پولیس ایلیٹ فورس کے بہادر جوان ظاہر احمد نے کہا کہ وہ آئیندہ بھی اپنے پیارے وطن پاکستان اور عوام کی سکیورٹی کے خاطر اپنی جان کا پرواہ نہیں کریگا انھوں نے مزید کہا کہ آپ دونوں کے میرے عیادت پر آنے سے میرا ہمت اور حوصلہ مزید بلند ہوا ہے اور انشاءاللہ جلد صحتیاب ہوکر اپنی ذمہ داریاں اسی جذبے اور بلند حوصلے سے نبھاوں گا ۔اس موقع پر ظاہر احمد بھائی بدیع الرحمن،شاکر احمد اور دیگر رشتہ داربھی موجود تھے۔

اس خبر کو پرنٹ میں حاصل کریں