تحریک حقوق عوام اپر کی کال پر چترال ،بونی،شندور روڈ پر کام کی بندش کے خلاف بونی میں میٹنگ ۔20 مئی کی ڈیڈ لائن۔ متفقہ قرارداد۔
اپرچترال(ذاکر محمد زخمی)چترال بونی شندور روڈ پر کام کی بندش،اور تعطیل کے خلاف اپر چترال میں ہر طرف پریشانی اور تشویش کا اظہار کیا جا رہا ہے۔اس سلسلے تحریک حقوق عوام اپر چترال کی کال پر ایک میٹنگ زیرِ صدارت صدر تحریک حقوق عوام اپر چترال مختار احمد سنگین مقامی ہوٹل میں منعقد ہوا جس میں
تمام سیاسی جماعتوں کے نمائیندے اور سول سوسائٹی کے افراد نے شرکت کی۔تحریک حقوق عوام اپر کے سرگرم رکن اور معروف سیاسی و سماجی شخصیت پرویز لال نے نظامت کی جبکہ چیرمین وی سی اوی شیخ عبداللہ مہمان خصوصی کی نشست پے موجود تھے۔تلاوتِ کلام پاک سے میٹنگ کا آغاز ہوا۔پرویز لال نے ون پوائنٹ ایجینڈا پش کی۔ میٹنگ میں شریک تمام حضرات نے اس بات پر شدید غم و غصہ اور مایوسی کا اظہار کیا کہ ہر حکومت چترال اور خصوصاً اپر چترال کے ساتھ سوتیلی ماں کی سلوک پر عمل پیرا ہے۔اس وجہ سے اپر چترال ترقی کے بجائے پسماندگی کی طرف جارہی ہے۔ گزاشتہ سال این ایچ اے کا ٹھیکہ دار چترال بونی روڈ سے ترکول اکھاڑ کر کھنڈرات میں تبدیل کرکے خود غائب ہوگئے اور تاحال غائب ہے اس وقت اپر چترال کے عوام ایک بار پھر آسی کے دہائی میں جی رہے ہیں ۔
جوکہ المیہ ہے اجلاس میں متفقہ قرار داد کے ذریعے این ایچ اے اور اعلی حکام کو دس دن کی ڈیڈ لائن دی گئی ۔کہ اگر دس دنوں میں عملی طورپر چترال ،بونی، شندور روڈ پر کام شروع نہ ہوا تو اپر چترال کے عوام تمام سیاسی وابستگی اور تفرقات سے بالا تر ہوکر متفقہ تحریک شروع کریگی۔اس کے لیے 20 مئی تک ڈیڈ لائن مقرر کیا گیا۔میٹنگ میں یہ بھی فیصلہ کیا گیا۔ کہ احتجاجی تحریک شروع ہونے کی صورت میں عملی کام شروع ہونے تک احتجاج جاری رہیگا ۔میثنگ میں دیدار ولی میر ،افگن رضا ،بابر علی اور کونسلر صادق الرحمٰن پاکستان تحریک انصاف کی نمائندگی کررہے تھے۔ امجد علی پاکستان پیپلز پارٹی، شکیل احمد اورمجتبی احمد جماعت اسلامی،شاہ وزیر لال عوامی نیشنل پارٹی کے نمائیندگی کرتے ہوئےموجود تھے،جبکہ دوسروں میں سابق ناظم سلامت خان،سابق کونسلر عید علی ،وی سی چیرمین اوی شیخ عبداللہ ،عبداللہ جان، اعجاز احمد ،ریٹائرڈ صوبیدار جلال ،وزیر شاہ اور کونسلر شفیع احمد لال شریک تھے علاوالدین ڈرائیور برادری کی طرف سے اجلاس میں حاضر تھے۔مختار احمد سنگین صدراتی خطاب میں شراکاء کو مشورہ دیا کہ اٹھارہ مئی تک اس تحریک کو جاندار اور کامیاب بنانے کے لیے اپنے اپنے حلقوں میں آگاہی میٹنگ منعقد کریں اٹھارہ تاریخ کو احتجاجی تحریک کو ختمی شکل دینے اور شیڈول مرتب کرنے لیے میٹنگ ہوگی اُس میٹنگ کے لیے کوئی سرکلر کسی ایشو نہیں کیا جائیگا بلکہ آج کے اس اعلان کو ختمی تصور کیا جاکر حلقے کے لوگوں کے ساتھ شرکت کریں۔
