چترال میں شہدائے پاکستان کی بے لوث قربانیوں کو خراجِ تحسین پیش کرنے کیلئے یوم تکریم شہدائے پاکستان منایاگیا

چترال ( محکم الدین )ضلعی انتظامیہ،محکمہ ایجوکیشن ،سول ڈیفنس،تجاریونین چترال اوردوسرے ایسوسی ایشن کاپاک فوج اورپولیس کے حق میں اسسٹنٹ کمشنر لوئرچترال کے دفترسے پرانے پی آئی اے چوک تک ریلی نکالی ۔ شرکاء ریلی نے ہاتھوں میں بینرز اٹھا کر پاکستان زندہ آباد ، پاک آرمی زندہ آباد کے نعرے بلند کر رہے تھے۔یہ ریلی افواج پاکستان اور پختونخوا پولیس کے ساتھ اظہار یک جہتی کے لئے نکالی گئی۔ ریلی کے بعدٹاون حال چترال میں منعقدہ تقریب سے خطاب کرتے ہوئے ایڈیشنل اسسٹنٹ کمشنر لوئرچترال عدنان حیدرملوکی،ڈپٹی ایجوکیشن افیسرلوئرچترال شاہدحسین ،وائس پرنسپل سینٹینل ماڈل ہائی سکول چترال شاہدجلال ،ایڈمن افیسرتحصیل ایڈمنسٹریشن لوئرچترال رحمت ولی اوردوسروں نے سانحہ 9 مئی کی شدید الفاظ میں مذمت کرتےہوئے کہاکہ ہم ملکی سالمیت کے محافظوں کے دامن پر داغ نہیں دیکھنا چاہتے ، کیونکہ مسلح افواج اور پولیس کی قربانیاں کسی سے ڈھکی چھپی نہیں ، ہم کسی بھی صورت میں اپنے محافظوں کے قربانیوں پر پانی نہیں پھیرنے دینگے ، ملک کے دوسرے شہروں کی طرح چترال میں بھی شہدائے پاکستان کی بے لوث قربانیوں کو خراجِ تحسین پیش کرنے کیلئے یوم تکریم شہدائے پاکستان منایاگیا۔اس دن کومنانے کامقصد شہداء کی لازوال قربانیوں کی یاد تازہ کرناہے ۔تقریب میں سکول کے بچوں نے قومی ترانہ ،تقریراورملی نغمہ پیش کی ۔ آخرمیں ملک کی سلامتی ، امن اور ملک قوم کے محافظوں کے لئیے دعائیں کی گئی۔

اس خبر کو پرنٹ میں حاصل کریں