ڈپٹی کمشنر اپر چترال محمد خالد زمان کا سیلاب متاثرہ یارخون ویلی کا تفصیلی دورہ۔

اپرچترال (چترال ایکسپریس)چیف سیکرٹری خیبر پختونخوا اور کمشنر ملاکنڈ ڈویژن کے خصوصی ہدایات پر جمعرات کے روز ڈپٹی کمشنر اپر چترال  محمد خالد زمان نے سیلاب متاثرہ یارخون ویلی کا تفصیلی دورہ کرکےنقصانات کا جائزہ لیا ۔

انہوں  نے زوپو پل، پاور یارخون ، میراگرام نمبر 2 اور دوسرے متاثرہ علاقوں کا دورہ کیا ۔
اپ نے سب ڈویژنل افیسر سی،اینڈ،ڈبلیو کے ہمراہ زوپو پل کا جائزہ لیا۔
ڈپٹی کمشنر نے سب ڈویژنل افیسر سی،اینڈ,ڈبلیو کو مذکورہ متاثرہ پل میں فوری طور پر chair left لگانے کے لئے پل کو سازگار بنانے کے لئے احکامات صادر کئے۔
انیوں  نے میڈیکل کیمپ کا بھی دورہ کیا جہاں مریضوں کے لئے مفت ادویات میسر کئے گئے ہیں۔ ڈپٹی کمشنر صاحب نے جی،پی،ایس پاور کا بھی جائزہ لیا جو کہ حالیہ سیلاب کی وجہ سے متاثر ہوا ہے۔
ڈسٹرکٹ انتظامیہ نے کچھ فوڈ ائٹم بھی لوگون کےلئے پہنچا دئے۔
ڈپٹی کمشنر  نےمتاثرہ سڑکوں کی فوری بحالی کے لیے ہدایات صادر کئے اورعلاقے میں متاثر شدہ واٹر سپلائی اسکیم کی بحالی کے لئے پائپ مہیا کرنے کے اعلانات کئے۔

انہوں نے متاثرین کو یقین دلایا کہ صوبائی حکومت اور ضلعی انتظامیہ اپر چترال ہر وقت اور ہر لمحہ متاثرین کی فکر میں ہیں اور ان کے ساتھ ہر ممکن تعاون کے لئے کوشان ہیں۔

اس خبر کو پرنٹ میں حاصل کریں