یواین ڈی پی کے گلف -2 پراجیکٹ کے زیر اہتمام وادی کمراٹ کے مختلف علاقوں میں دس پروٹیکشن والز تعمیر
دیر بالا(چترال ایکسپریس)یواین ڈی پی کی گلف 2 پراجیکٹ کے زیر اہتمام ضلع دیر بالا کی خوبصورت وادی کمراٹ کے 
مختلف علاقوں میں 10 سیلاب سے بچاؤ کی دیواریں تعمیرکئے گئے۔ڈائریکٹر جنرل سائل اینڈ واٹر کنزرویشن محمد یاسین اور پی ڈی ایم اے کے ڈائریکٹر ڈیزاسٹر رسک مینجمنٹ محمد امین نے وادی کمراٹ میں نئی تعمیر شدہ سیلابی ریلے سے بچاؤ کے لئے پروٹیکشن والز کا افتتاح
کیا۔ اس موقع پر GLOF-II پروجیکٹ، پشاور ڈیزاسٹر مینجمنٹ اتھارٹی (PDMA) اورسائل کنزرویشن کے حکام بھی موجود تھے۔
GLOF-II منصوبہ موسمیاتی تبدیلی کی وزارت کے ساتھ ایک مشترکہ اقدام ہے اور اسے گرین کلائمیٹ فنڈ کی تعاون حاصل ہے۔
کمیونٹی بیسڈ ڈیزاسٹر رسک مینجمنٹ کمیٹی کے چیئرمین رحیم اللہ کوہستانی نے کہا
کہ سیلاب سے بچاؤ کی دیواروں میں سے ایک تاریخی تھل مسجد کی حفاظت کرتی ہے جس کی شدید ضرورت محسوس کی جارہی تھی کیونکہ تھل بازار کے علاقے کے مکین دریا کے بہتے پانی سے ملحقہ تاریخی مسجد کے بارے میں انتہائی پریشانی میں مبتلا تھے۔ انہوں نے سیلاب سے بچاؤ کی دیوار کی تعمیر کے GLOF-II منصوبے کو سراہا جو مسجد کی عمارت کو دریا کے بہنے سے بچائے گی۔
اس موقع پر ڈی جی سائل اینڈ واٹر کنزرویشن محمد یٰسین نے کہا کہ سیلاب سے بچاؤ کی دیواریں دریا کے کنارے کی آبادی اور زرعی اراضی کو بھی محفوظ بنائیں گی اور سیلاب کی زد میں آنے والے علاقوں میں حفاظتی دیواریں تعمیر کر دی گئی ہیں۔
یہاں یہ بات قابل ذکر ہے 
کہ سوات، چترال اپر اور چترال زیریں کے مختلف علاقوں میں ایسی فلڈ پروٹیکشن والز کی تعمیر کا کام جاری ہے جس کا مقصد متعلقہ علاقوں میں رہائشی علاقوں اور زرعی اراضی کو محفوظ بنانا ہے۔
UNDP کا GLOF-II منصوبہ گلگت بلتستان کی 16 وادیوں اور خیبر پختونخواہ کی آٹھ وادیوں میں کام کرتا ہے۔ یہ کمیونٹیز کو GLOFs اور موسمیاتی تبدیلی کے متعلقہ اثرات سے منسلک خطرات کی شناخت اور ان کا نظم کرنے، GLOF سے متعلق آفات کے خطرے کو کم کرنے کے لیے عوامی خدمات کو مضبوط بنانے، اور کمیونٹی کی تیاری اور قدرتی آفات کے خلاف عوامی ردعمل کو بہتر بنانے میں ان کی استعداد کار کو بہتر بنانے کے ذریعے سپورٹ کرنا ہے۔ یہ پراجیکٹ اپنے ٹارگٹ ایریا میں معاش کے لیے پائیدار آپشنز کی ترقی میں خواتین کی شرکت کو یقینی بنانے کے ساتھ ساتھ لائیولی ہڈ کی ترقی اور حفاظت کے لئے بھی کام کررہی ہے۔
