شہید شیرحیات پورے سرکاری اعزاز کے ساتھ آبائی قبرستان شیاقوٹیک میں سپرد خاک۔

چترال(نمائندہ چترال ایکسپریس )6 ستمبر 2023 کو دہشتگردوں نے چترال کے وادی کیلاش بمبوریت اوستئی میں واقع چترال سکاؤٹس کی چیک پوسٹوں پر حملے کے دوران چترال سکاؤٹس کے جوان شیر حیات کو سر پر گولی لگنے سے شدید زخمی ہوا تھا جسے فوراً سی۔ایم۔ایچ پشاور منتقل کیا گیا تھا جہاں پر وہ زیر علاج تھا۔

گزشتہ پانچ دنوں سے وہ زندگی اور موت کی جنگ لڑتے لڑتے پیر کی شام شہادت کے عظیم مرتبے پر فائز ہوئے۔

چترال سکاوٹس کے جوان شیر حیات کی نماز جنازہ پورے سرکاری اعزاز کیساتھ شیاقوٹیک میں ادا کی گئی۔

نمازہ جنازہ میں ,ڈپٹی کمشنر محمد علی خان،ڈسٹرکٹ پولیس آفیسر لوئر چترال اکرام اللہ خان سمیت چترال سکاوٹس کے آفسران اور مختلف مکاتب فکر سے تعلق رکھنے والے شخصیات نے کثیر تعداد میں شرکت کی۔

ڈی۔پی۔او لوئر چترال اکرام اللہ خان اور ڈپٹی کمشنر محمد علی خان نے شہید کے جسد خاکی پر پھولوں کے گلدستے رکھے اور شہداء کی بلند درجات کیلئے خصوصی دعا مانگی گئی ۔

شہید ہونے والے جوان کی نماز جنازہ گورنمنٹ ہائی سکول گراونڈ شیاقوٹیک لوئر چترال میں پورے سرکاری اعزاز کے ساتھ ادا کرنے کے بعد ان کے آبائی قبرستان میں سپرد خاک کیا گیا۔

ڈی۔پی۔او لوئر چترال اکرام اللہ خان اور ڈپٹی کمشنر محمد علی خان نے شہید کے ورثاء سے ملاقات کی اور ان کے ساتھ تعزیت کا اظہار کیا۔

دونوں افسران نے اس موقع پرشہید کے والد سےکہا کہ پوری قوم کو آپ کے بیٹے پر فخر ہے اللہ تعالی ہمارے جوانوں کے شہادت کو قبول کریں اور لواحقین کو صبرو جمیل عطاء فرمائیں۔

اس خبر کو پرنٹ میں حاصل کریں