حمیدہ ایجوکیشن اینڈ بورڈنگ اکیڈمی چترال میں 12ربیع الاول کی مناسبت سے مقابلہ نعت خوانی کی پروگرام کا انعقاد ۔
چترال(چترال ایکسپریس)حمیدہ ایجوکیشن اینڈ بورڈنگ اکیڈمی دنین میں12ربیع الاول یوم ولادت خاتم النبیین حضرت محمد صلی الله علیه وسلم کی مناسبت سے
مقابلہ نعت خوانی کا عظیم الشان پروگرام کا انعقاد کیا گیا ۔مقابلہ نعت خوانی میں ڈپٹی کمشنر لوئر چترال محمد علی خان,ڈسٹرکٹ پولیس آفیسر لوئر اکرام اللہ خان خطیب شاہی مسجد مولانا خلیق الزمان, اسسٹنٹ کمشنر ہیڈکواٹر چترال محمد عاطف جالب اور دیگر 
مہمانان شریک تھے۔
مقابلہ نعت خوانی میں چترال کے مختلف علاقوں سے نعت خوانوں نےپرجوش عقیدت سے حصہ لیا حدیہ عقیدت پیارے نبی محمد صلی اللہ علیہ وسلم کے حضور پیش کیا۔
ڈی۔پی۔او لوئر چترال اکرام اللہ خان اور ڈپٹی کمشنر محمد علی خان نے 
نعت خوانی کے مقابلے میں پہلی, دوسری اور تیسری پوزیشین پر آنے والے نعت خوانوں میں کیش انعام اور ایورڈ تقسیم کئیں۔
ڈی۔پی۔او اکرام اللہ خان نے
اپنے خطاب میں کہا کہ آج میرے آقاسرورکونین حضرت محمد مصطفی ﷺ کا یوم ولادت ہے۔ آج کا دن تمام مسلمانوں کیلئے سب سے زیادہ خوشی اورمسرت کادن ہے۔ اللہ تعالیٰ نےحضرت محمد مصطفیﷺ کواس دنیامیں رحمت اللعالمین بنا کر بھیجا۔
ہمیں اپنے آقا کی تعظیم کے ساتھ انکی تعلیمات کو بھی بغور دیکھنا اور سمجھنا ہے اور سمجھ کر اس پر زندگی گزارنے کی کوشش کرنی ہے، نبی کریم ﷺ کی تعلیمات ہی آج کے دن کا سب سے بڑا فلسفہ ہے۔ 
ہمیں ادھر ادھر بھٹکنے کے بجائے اپنے نبی کریمﷺ کے دکھائے ہوئے راستے پر چلنا ہے۔مہمانان نے بچوں میں شیلڈ بھی تقسیم کیے۔
