سور لاسپور زمین تنازعے میں ایک ہلاک تین افراد زخمی ،ملزمان گرفتار ۔

سور لاسپور زمین تنازعے میں ایک ہلاک تین افراد زخمی ،ملزمان گرفتار ، لاش پوسٹ مارٹم کیلئے ڈی ایچ کیو ہسپتال بونی روانہ ۔

چترال (محکم الدین ) اپر چترال کے معروف سیاحتی مقام سور لاسپور میں زمین کے تنازعے میں مبینہ طور پر مسمی گوہر آمان ولد بلبل نے اپنے بیٹوں ضیاء اور فیضی کے ہمراہ مخالف فریق نیت ولی اور ولی محمد پر آتشین اسلحے سے فائر کھول دیا ۔ جس کے نتیجے میں نیت ولی موقع پر ہلاک اور ولی محمد زخمی ہوگیا ۔ جان بحق ہونے والے شخص نیت ولی کی لاش کو پوسٹ مارٹم کیلئے ڈی ایچ کیو ہسپتال بونی منتقل کر دیا گیا ہے ۔ جبکہ زخمی ولی محمد اور مخالف فریق فیضی ولد گوہر آمان اور ان کی والدہ جو مبینہ طور پر سنگ باری کے نتیجے میں پتھر لگنے سے زخمی ہوئے تھے ۔ کو آر ایچ سی مستوج روانہ کردیا گیا ہے ۔ وقوعہ کے بعد مقامی پولیس نے ملزمان گوہر آمان ولد بلبل اور ان کے بیٹے ضیاء کو گرفتار کر لیا ہے ۔ مزید تفتیش جاری ہے

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔