اپر چترال میں تباہ کن برفباری کے بعد روڈ سمیت دیگربحالی کی سرگرمیاں شروع ۔

اپرچترال(چترال ایکسپریس)اپر چترال میں تباہ کن برفباری کے بعد روڈ سمیت دوسرے فسیلٹیز کی بحالی کی سرگرمیاں شروع ۔

اپر چترال میں بجلی کی نظام درہم برہم اور سڑکوں میں تقریباً ڈھائی فٹ برف پڑ چکی ہے۔

ڈپٹی کمشنر اپر چترال محمد عرفان الدین تمام سرگرمیوں کا خود جائزہ لے رہے ہیں۔

پیر کے روز ڈپٹی کمشنر اپر چترال  محمد عرفان الدین نے اسسٹنٹ کمشنر ہیڈکوارٹر شاہ عدنان کے ہمراہ چترال مستوج روڈ اور بجلی کے نظام کا تفصیلی جائزہ لیا ۔

ڈپٹی کمشنر نے چترال مستوج روڈ اور دیگر رابطہ سڑکوں کی فوری بحالی کے لئے این،ایچ،اے سمیت دوسرے متعلقہ سٹیک ہولڈرز کو احکامات جاری کیں۔

چترال مستوج روڈ بمقام پھوک کیٹر پل پہاڑ گرنے کی وجہ سے بند ہے اور ڈپٹی کمشنر کی ہدایات پر بحالی کام جاری ہے۔

ڈپٹی کمشنر نے بجلی کی ترسیل کے نظام کا جائزہ لیا اور اسسٹنٹ ریزیڈنٹ انجینئر پیڈو کو بجلی کی ترسیل کو فوری طور پر بحال کرنے کی ہدایت کی۔
بجلی کی بحالی کا کام زور و شور سے جاری ہے۔ مقامی افراد کے ساتھ مل کر لیویز فورس اپر چترال کےاہلکار بحالی کے کاموں میں حصہ لے رہے ہیں۔

اپر چترال میں کمیونیکیشن /نیٹ ورک کے نظام درہم برہم ہیں اور ڈپٹی کمشنر نےنیٹ ورک کے نظام کو بحال کرنے کے لئے متعلقہ حکام کو احکامات جاری کئے ہیں ۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔