ایم این اے غزالہ انجم کی چترال یوٹیلٹی سٹور برانچ کا دورہ

چترال (چترال ایکسپریس )پاکستان مسلم لیگ (ن) سے تعلق رکھنے والی خاتون ایم این اے غزالہ انجم نے چترال شہر میں قائم یوٹیلیٹی اسٹوربرانچ کا دورہ کیا اور وزیر اعظم پروگرام کے تحت دی جانے والی سبسڈائزڈ اشیاء تقسیم کی اوریوٹیلیٹی اسٹور کے حوالے سے موقع پر موجود عوام سے مسائل دریافت کی۔ اس موقع پر انہوں نے کہاکہ ملک میں معاشی بدحالی کے باوجود وزیر اعظم شہباز شریف نے مہنگائی وگرانی سے عوام کو نجات دلانے کے لئے انقلابی قدم اٹھاتے ہوئے بنیادی اور روزمرہ کے استعمال کی اشیاء انتہائی کم قیمت پر دستیاب کی ہے۔ انہوں نے کہاکہ وزیر اعظم کی طرف سے رمضان پیکج سے کم آمدنی والے عوام کو ریلیف مل گئی ہے اور بات ثابت شدہ ہے کہ مسلم لیگ (ن) کی حکومت ہمیشہ عوام کے بنیادی مسائل حل کرنے کی طرف عملی قدم اٹھاتی ہے۔پاکستان مسلم لیگ (ن) کے سینئر رہنما محمد کوثر ایڈوکیٹ بھی اس موقع پر موجود تھے۔ اس سے قبل عمل ستار ریجنل منیجر یوٹیلیٹی اسٹورز چترال نے ایم این اے کو پرائم منسٹر کی رمضان پیکج کے متعلق بریفنگ دی۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔