چترال: 79 ویں یومِ آزادی پر TFC میں پروقار تقریب اور ریلی کا انعقاد

​چترال (چترال ایکسپریس):پاکستان کے 79 ویں یومِ آزادی کے پُرمسرت موقع پر KPCTA ٹورسٹ فیسیلیٹیشن سینٹر (TFC)، چترال میں ایک پروقار تقریب اور پرجوش آزادی ریلی کا انعقاد کیا گیا۔

​تقریب کی خاص بات ‘آغوش الخدمت فاؤنڈیشن’ کے بچوں کی خصوصی شرکت تھی، جنہوں نے اپنے معصوم اور پرجوش انداز میں یومِ آزادی کا کیک کاٹ کر جشن کی خوشیوں کو دوبالا کر دیا۔

​اس موقع پر شرکاء نے وطنِ عزیز سے محبت، قومی یکجہتی اور پاکستان کو ترقی و خوشحالی کی راہ پر گامزن کرنے کے عزم کا اعادہ کیا۔ تقریب کے اختتام پر ملکِ خداداد کی سلامتی، دائمی امن، استحکام اور خوشحالی کے لیے خصوصی دعا کی گئی کہ اللہ تعالیٰ پاکستان کو ہمیشہ ہر بلا و آفت سے محفوظ رکھے اور ترقی و کامرانی عطا فرمائے۔

اس خبر کو پرنٹ میں حاصل کریں