چترال کے غیور سپوت محمد خالد کے لیے ‘تمغۂ شجاعت’ کا اعلان، علاقے میں مسرت کی لہر
چترال (چترال ایکسپریس)خیبر پختونخوا پولیس کے بہادر افسر محمد خالد خان کو ان کی بے مثال شجاعت، قربانی اور فرائض کی انجام دہی میں مثالی لگن کے اعتراف میں حکومتِ پاکستان کی جانب سے ‘تمغۂ شجاعت’ کے لیے نامزد کیا گیا ہے۔ اس باوقار قومی اعزاز کے اعلان پر چترال سمیت بھرپور عوامی و سماجی حلقوں میں انتہائی فخر اور مسرت کا اظہار کیا جا رہا ہے۔
محمد خالد خان نے
انتہائی مہلک اور شدید زخمی ہونے کے باوجود جس مردانگی سے صحت یابی کا سفر طے کیا اور دوبارہ عوام کی خدمت اور تحفظ کے لیے پرعزم ہوئے، وہ ان کی لازوال بہادری اور پختہ عزائم کا منہ بولتا ثبوت ہے۔
اہلِ چترال نے اپنے اس بہادر سپوت کو خراجِ تحسین پیش کرتے ہوئے کہا ہے کہ محمد خالد خان نے یہ اعلیٰ قومی اعزاز حاصل کر کے نہ صرف اپنے ضلع کا نام روشن کیا ہے بلکہ پوری قوم کا سر فخر سے بلند کر دیا ہے۔ ان کی یہ لازوال قربانی اور شجاعت خیبر پختونخوا پولیس اور تمام ساتھیوں کے لیے ہمیشہ مشعلِ راہ رہے گی۔
عوام نے اللہ تعالی کے حضور ان کی صحت، لمبی زندگی اور مزید کامیابیوں کے لیے دعائیں کی ہیں کہ وہ آئندہ بھی اسی جذبۂ خدمت سے قوم و ملک کی پاسبانی کرتے رہیں۔
