تازہ ترین
یو نا ئیٹڈ ورکرز یونین ٹی ایم اے لوئر چترال کے انتخابات مکمل، سیف الاعظم دوسری مرتبہ بلا مقابلہ صدر منتخب
چترال (چترال ایکسپریس) یو نائیٹڈ ورکرز یونین تحصیل میونسپل ایڈمنسٹریشن (ٹی ایم اے) لوئر چترال کے انتخابات مکمل ہوگئے، جس میں سیف الاعظم مسلسل دوسری مرتبہ دو سالہ 
مدت کے لیے بلا مقابلہ صدر منتخب ہوگئے۔
انتخابات کے نتیجے میں دیگر عہدیداروں میں نعیم بیگ چیئرمین، غلام بادشاہ نائب صدر، محمد فرید ظاہر جنرل سیکرٹری، نوید الرحمن پریس سیکرٹری، علی اکبر خزانچی جبکہ رحمت اللہ رابطہ سیکرٹری منتخب ہوگئے۔
یونین کے نومنتخب عہدیداروں نے اس عزم کا اظہار کیا کہ وہ ٹی ایم اے لوئر چترال کے ملازمین کے حقوق، فلاح و بہبود اور مسائل کے حل کے لیے بھرپور کردار ادا کریں گے اور ادارے کی بہتری کے لیے اپنی ذمہ داریاں احسن انداز میں انجام دیں گے۔
