پیرا وٹرنری ایسوسی ایشن چترال کا ایک اہم اجلاس

چترال ( نمائندہ چترال ایکسپریس) پیرا وٹرنری ایسوسی ایشن چترال کا ایک اہم اجلاس ضلعی آفیسر لائیو سٹاک چترال و صدر پیراوٹرنری ایسوسی ایشن نور الدین کی زیر صدارت اُن کے آفس میں منعقد ہوا ۔ جس میں بڑی تعداد میں ایسوسی ایشن کے ممبران نے شرکت کی ۔ اجلاس میں پیراوٹرنری ایسوسی ایشن کو درپیش مختلف مسائل پر تفصیل سے بحث کی گئی ۔ اور اجلاس میں موجودہ صوبائی کابینہ کی کاوشوں کو سراہا گیا ۔ خاص کر پروموشن کے سلسلے میں لی گئی اقدامات کے حوالے سے ڈاکٹر شیر محمد ڈائریکٹر جنرل ( ایکسٹینشن ) لائیو سٹاک خیبر پختونخوا کی خصوصی دلچسپی کے پیش نظر اُنہیں شاندار الفاظ میں خراج تحسین پیش کیا گیا ۔ اور اُن کے ساتھ بھر پور تعاون کا یقین دلایا گیا ۔

اس خبر کو پرنٹ میں حاصل کریں