تازہ ترین

وزیراعلی محمود خان ضلع ٹانک کے علاقہ نصران میں کھلونا بم دھماکے میں ایک ہی خاندان کے تین بچوں کے جاں بحق ہونے پر افسوس کا اظہار

دتہ خیل میں دہشت گردی کے خلاف آپریشن کے دوران سیکیورٹی فورسز کے دو جوانوں کی شہادت پربھی لواحقین سے تعزیت

پشاور(چترال ایکسپریس)وزیر اعلی خیبر پختونخوا محمود خان نے ضلع ٹانک کے علاقہ نصران میں کھلونا بم دھماکے میں ایک ہی خاندان کے تین بچوں کے جاں بحق ہونے پر افسوس کا اظہار کرتے ہوئے لواحقین سے تعزیت اور دلی ہمدردی کا اظہار کیا ہے۔یہاں سے جاری اپنے ایک تعزیتی بیان میں وزیر اعلیٰ نے جاں بحق بچوں کے درجات کی بلندی اور پسماندگان کے لئے صبر جمیل کی دعا کی ہے۔ وزیر اعلیٰ نے کہا کہ پوری صوبائی حکومت متاثرہ خاندان کے غم میں برابر کی شریک ہے۔

وزیر اعلیٰ خیبر پختونخوا محمود خان نے شمالی وزیرستان کی تحصیل دتہ خیل میں دہشت گردی کے خلاف آپریشن کے دوران سیکیورٹی فورسز کے دو جوانوں کی شہادت پربھی لواحقین سے تعزیت اور دلی ہمدردی کا اظہار کیا ہے۔ وزیراعلیٰ نے اپنے تعزیتی بیان میں مرحومین کے درجات کی بلندی اور پسماندگان کے لیے صبر جمیل کی دعا کی ہے۔ وزیر اعلیٰ نے آپریشن کے دوران زخمی ہونے والے سکیورٹی اہلکاروں کی جلد صحتیابی کے لیے بھی دعا کی ہے۔

اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
مزید دیکھائیں
زر الذهاب إلى الأعلى
error: مغذرت: چترال ایکسپریس میں شائع کسی بھی مواد کو کاپی کرنا ممنوع ہے۔