میسی کو ٹیکس فراڈ مقدمے کا سامنا

آرجنٹائن اور بارسلونا کے سٹار فٹبالر لیونل میسی اور ان کے والد سپین کی عدالت میں ٹیکس دھوکا دہی کے مقدمے کا سامنا کریں گے۔

ہسپانوی عدالت میں مقدمے کی سماعت کے دوران جج نےاستغاثہ کی جانب سے میسی پر فراڈ کے الزامات ختم کرنے کی درخواست رد کر دی۔

میسی اور ان کے والد جارج پر الزام ہے کہ انہوں نے ہسپانوی حکام کے ساتھ پانچ لاکھ ڈالرز کا دھوکا کیا۔

استغاثہ نے الزام لگایا کہ جارج نے 09-2007 کے دوران آف شور کمپنیوں کے ذریعے اپنے بیٹے کی آمدنی پر ٹیکس بچایا۔

دوسری جانب، میسی کے وکلا کا کہنا ہے کہ ان کے موکل نے ‘زندگی میں کبھی بھی معاہدے پڑھنے اور ان کا تجزیہ کرنے کیلئے ایک منٹ بھی صرف نہیں کیا’۔

بشکریہ بی بی سی

اس خبر کو پرنٹ میں حاصل کریں