چترال سے تعلق رکھنے والے بشارت احمد ڈپٹی کمشنر لوئر دیر تعینات

چترال(چترال ایکسپریس) حکومت خیبر پختونخوا نے چترال سے تعلق رکھنے والے پاکستان ایڈمنسٹریٹو سروس (PAS) کے گریڈ 19 کے آفیسر بشارت احمد کو ڈپٹی کمشنر لوئر دیر تعینات کر دیا ہے۔

 بشارت احمد اس سے قبل خیبر پختونخوا میں ڈائریکٹر لینڈ ریکارڈ کے طور پر خدمات انجام دے رہے تھے۔ حکومت کی جانب سے جاری تبادلہ و تقرری کے احکامات کے تحت انہیں نئی ذمہ داریاں سونپ دی گئی ہیں۔

بشارت احمد کا شمار پاکستان ایڈمنسٹریٹو سروس کے تجربہ کار افسران میں ہوتا ہے اور انہوں نے مختلف انتظامی عہدوں پر خدمات انجام دی ہیں۔ ان کی بطور ڈپٹی کمشنر لوئر دیر تعیناتی پر چترال سے تعلق رکھنے والے مختلف حلقوں نے خوشی کا اظہار کیا ہے۔

اس خبر کو پرنٹ میں حاصل کریں