جماعت اسلامی چترال کے زیر اہتمام گزشتہ ایک ہفتے سے جاری قرآن فہمی کا پروگرام احتتام پذیر

چترال (چترال ایکسپریس ) جماعت اسلامی لویر چترال کے زیر اہتمام گزشتہ ایک ہفتے سے جاری قرآن فہمی کا پروگرام قرآن کلاس اتوار کے دن پولوگراونڈ چترال میں احتتام پذیر ہوا جس میں چھ ہزار کے لگ بھگ مردوخواتین شرکت کرتے رہے جبکہ سوشل میڈیا پیج پر بھی بڑی تعداد میں لوگ گھروں میں بیٹھے اس سے مستفید ہوتے رہے۔ دین اسلام کے معروف مبلغ مولانا ڈاکٹر محمد اسماعیل نے گزشتہ ایک ہفتے سے اداب زندگی کے مختلف موضوعات پر قرآن وسنت کی روشنی میں نماز فجر کے بعد لیکچردینے کا سلسلہ شروع کیا تھاجوکہ ڈیڑھ گھنٹے تک جاری رہتا تھا۔ پروگرام کے احتتامی روز جماعت اسلامی کے ضلعی امیر وجیہہ الدین نے کہا کہ چترال کے عوام کی دین اسلام سے خصوصی شغف رکھنے کی وجہ سے گزشتہ کئی سالوں سے اس پروگرام کو تسلسل کے ساتھ منعقد کیا جارہا ہے جس سے بڑی تعداد میں مردوخواتین مستفید ہورہے ہیں۔

اس خبر کو پرنٹ میں حاصل کریں