صحت و صفائی

چقندر کے جوس کے حیرت انگیز فوائد

دل کے دورے کے بعد مریضوں کو چقندر کا جوس پلانے سے دل کے پٹھے مضبوط ہوتے ہیں کیونکہ چقندر میں نائٹریٹ کی بڑی مقدار موجود ہوتی ہے۔ واشنگٹن یونیورسٹی اسکول آف میڈیسن میں میں ایک اہم مطالعہ کیا گیا جس سے معلوم ہوا کہ جوس پینے کے صرف 2 گھنٹے بعد ہی دل پر اس کے اچھے اثرات پڑنے لگتے ہیں اس سے قبل کھلاڑیوں اور دوڑنے والوں کو جب چقندر کا رس پلایا گیا تو ان کی کارکردگی میں 13 فیصد بہتری نوٹ کی گئی اس کے بعد ڈاکٹروں نے اسے ایسے مریضوں پر آزمایا گیا جو دل کا دورہ برداشت کر چکے تھے۔ مطالعہ کے مطابق اس کے لیے 9 مریضوں کو پابندی سے چقندر کا جوس پلایا گیا تو 2 گھنٹے بعد ہی ان کے دل کے پٹھوں میں فوری اور تیز کام کی کارکردگی دیکھی گئی تاہم بہت لمبے ٹیسٹ میں کارکردگی ذیادہ مؤثر نہیں تھی۔ ماہرین کے مطابق چقندر فوری طور پر بلڈ پریشر کو کنٹرول کرتا ہے جب کہ یہ عمررسیدہ افراد میں یہ رس پٹھوں کو بھی مضبوط کرتا ہے۔


اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں

متعلقہ مواد

اترك تعليقاً

إغلاق