دھڑکنوں کی زبان ۔۔۔۔محمد جاوید حیات۔۔۔۔۔۔۔”سکینڈ شفٹ پروگرام کے اساتذہ معاوضوں کے انتظار میں “

آل ٹیچر اسوسیشن کے صدر نثار احمد کی پوسٹ نظروں سے گزری کہ سکینڈ شفٹ کے اساتذہ اکیلے نہیں ہیں ان کے معاوضوں کے لیے جد و جہد کریں گے ۔نثار احمد، محمد یوسف، امتیاز الدین ، زاہد عالم اوردوسرے فعال اساتذہ اساتذہ کےحقوق کے لیے خوب لڑ رہے ہیں ان کی کوششیں داد اوردعاٶں کے مستحق ہیں۔حکومت نے کے پی کے میں پچھلے دو سالوں سے سکولوں میں سکینڈ شفٹ میں ایلمنٹری ، سکینڈری اورہاٸر سکینڈری سطح پر کلاسوں کا آغاز کیا ہے یہ پروگرام بڑی کامیابی سے آگےبڑھ رہا ہے اس کے بڑے فواٸد سامنے آۓ ہیں پہلی یہ کہ چترال اور اسی طرح صوبے کے دوسرے اضلاع جیسے پسماندہ ضلعوں میں جہاں تعلیمی ادارے میسر نہیں اور بچے مڈل ، میٹرک اور ایف اے،ایف ایس سی کرنے کے بعد تعلیم کا سلسہ ختم کرکے گھروں میں ان پڑھ بیٹھے ہوتے تھے ان کو موقع ملا ہے کہ وہ اپنی تعلیم جاری رکھ سکیں دوسرا فاٸدہ بچیوں کو پہنچا ہے کہ ان کو اپنی تعلیم جاری رکھنے کے لیے دورجانا پڑتا تھا وہ اس مصیبت سے چھٹکارہ پاچکی ہیں اور اپنے گاٶں کے تعلیمی اداروں میں اپنی تعلیم جاری رکھنے کے قابل ہو گٸ ہیں تیسرا فاٸدہ سکینڈ شفٹ پروگرام کا یہ ہے کہ حکومت کی سرکاری عمارت سارا دن بچوں کی تعلیم و تربیت کے لیے استعمال ہو رہی ہے چوتھا فاٸدہ یہ ہے گاٶں کے کٸ بچے دن کے پہلے پہر یا تو دوسرے کام کرتے ہیں یا ماں باپ کا ہاتھ بٹاتے ہیں پھر اپنی تعلیم جاری رکھتے ہیں ۔بڑے بڑے شہروں میں بڑے سرکاری اور نجی تعلیمی اداروں میں یہ پرگرام موجود ہے یہ قوم کے بچوں کو جزو وقتی تعلیم مہیا کر رہے ہیں ۔کٸ مستحق بچے اس سے بھر پور فاٸدہ اٹھا رہے ہیں وہ محنت و مزدوری کرکے اپنی تعلیمی اخراجات بھی پوری کر رہے ہیں اور بھر پور تعلیم بھی حاصل کر رہے ہیں ۔پانچواں فاٸدہ یہ حاصل ہوا ہے کہ کم ازکم 9000اعلی تعلیم یافتہ بے روزگار نوجوانوں کوروزگار ملا ہے ۔ڈی ایس ایس پروگرام کے بچوں کی تعلیمی حالت کسی کل وقتی تعلیمی ادارے میں پڑھے ہوۓ بچوں سے کم نہیں ۔ایک تحمینے کے مطابق ان بچوں کی صوبہ کے پی کے میں تعداد 50000 ہے اور صرف چترال لوٸر اورچترال اپر میں تقریبا 40 زنانہ سکول اور 120 مردانہ سکول مڈل ، ہاٸی اور ہاٸر سکینڈری اپ گریڈ ہوۓ ہیں ۔ان دو ضلعوں کی پسماندہ گی کو مدنظر رکھتے ہوۓ ڈپٹی سکریٹری تعلیم عبدالاکرام صاحب اور سکریٹری تعلیم کی خصوصی عنایت شامل حال ہے جس کے لیے پورے چترال کی قوم ان کو دعاٸیں دے رہی ہے ۔یہ پروگرام کا کامیابی سے آگے بڑھ رہا ہے اور نسبتا مالی لحاظ سے بھی حکومت پر بوجھ نہیں لیکن افسوس سے کہنا پڑتا ہے کہ اساتذہ ابھی تک معاوضوں سے محروم ہیں ان کو صرف چار ماہ کا معاوضہ ملا ہے وہ کام کرتے ہوۓ بھی اسی طرح بے روزگار ہیں ان کے بچے عید کی خوشیوں سے محروم ہیں وہ خود نہایت مایوسی کا شکار ہیں اور خاندان والے بھی پریشان ہیں کہ کہیں یہ بہترین پروگرام بند نہ ہوجاۓ اورساتھ اس پروگرام میں شامل بچے بھی نہایت اضطراب میں ہیں کہ کہیں ان کی تعلیم حاصل کرنے کا خواب ادھورا نہ رہ جاۓ ۔۔ یہ پروگرام اپنی افادیت کے لحاظ سے سچ میں ایک فلاحی ریاست کا بہترین قدم ہے تعلیم سے محروم بچوں کو زیور تعلیم سے آراستہ کرنے کے لیے اس سے زیادہ مفید اقدام کوٸ اور نہیں ہو سکتا اس لیے ان اساتذہ کی تنخواہیں فوراجاری کرکے اس پروگرام کو مزید آگے بڑھانا وقت کی اہم ضرورت ہے ۔ملک خداداد مالی بحران کاشکار ہے یونیورسٹیاں اپنے ملازمین کو تنخواہیں دینے سے قاصر ہیں اس تناظر میں اگر چند ہزار روپے کے عوض اعلی تعلیم یافتہ استاد بھرتی کرکے قوم کے بچوں کو بہترین تعلیمی سہولیات مہیا کرنا معجزےسے کم نہیں ۔اس لیے حکومت کو اس پروگرام کو سنجیدہ لیناچاہیے ۔تعلیم ہمارے بچوں کا بنیادی حق ہے نۓنۓ ادارے بنانے اور ان میں تعلیمی سہولیات مہیا کرنے سے تیار تعلیمی اداروں کو استعمال کرکے یہ ” تعلیم یافتہ پاکستان“ کا ہدف حاصل کرنا نسبتا آسان نہایت خوش آٸیند اور مناسب کوشش ہے ۔امید ہے کہ سکینڈ شفٹ کے اساتذہ جلد معاوضے جاری ہونے کی نوید سنٸیں گے اور شوق ،جذبہ اور انہماک سے قوم کے بچوں کو زیور تعلیم سے آراستہ کرنے کا فریضہ انجام دیتے رہیں گے

اس خبر کو پرنٹ میں حاصل کریں