تازہ ترین
چترال لوئر اور چترال اپر میں نئے ڈپٹی کمشنرز تعینات، احسان اللہ ڈی سی لوئر اور ارشد خان ڈی سی اپر مقرر
چترال (چترال ایکسپریس)حکومتِ خیبر پختونخوا کے ہیومن ریسورس مینجمنٹ ڈیپارٹمنٹ نے چترال لوئر اور چترال اپر میں ڈپٹی کمشنرز کے تبادلوں و تعیناتیوں کے احکامات جاری کر دیے ہیں۔ اس سلسلے میں محکمہ ایچ آر ایم ڈی کی جانب سے باقاعدہ نوٹیفیکیشنز بھی جاری کر دیے گئے ہیں۔
جاری کردہ نوٹیفیکیشنز کے مطابق:
- چترال لوئر: ڈپٹی کمشنر چترال لوئر مقبول حسین (PMS BS-19) کا تبادلہ کر کے انہیں فوری طور پر ہیومن ریسورس مینجمنٹ ڈیپارٹمنٹ (HRMD) رپورٹ کرنے کی ہدایت کی گئی ہے۔ ان کی جگہ ڈپٹی کمشنر چترال اپر احسان اللہ (PAS BS-18) کا تبادلہ کر کے انہیں سول سرونٹس ایکٹ 1973 کے سیکشن 10 کے تحت نیا ڈپٹی کمشنر چترال لوئر مقرر کر دیا گیا ہے۔
- چترال اپر: ہیومن ریسورس مینجمنٹ ڈیپارٹمنٹ میں تعیناتی کے منتظر (Waiting for posting) افسر ارشد خان (PMS BS-18) کو سول سرونٹس ایکٹ 1973 کے سیکشن 10 کے تحت چترال اپر کا نیا ڈپٹی کمشنر تعینات کر دیا گیا ہے۔
محکمہ ایچ آر ایم ڈی کے مطابق تمام تبادلے و تعیناتیاں فوری طور پر نافذ العمل ہوں گی۔
