مرثیہ بنام مولانگاہ نگاہؔ صاحب مرحوم
نگاہ ؔ دی بغائی ہیہ جہانو پیسھی وا
خدایار کو نیان توغو مس موخو پوشی وا
مہ انجمنو گمبوری ٹھوخ بُلویتانی
مستانہ کھیو بوم ہتے ووریو شونکھی وا
محبوب و ظہور ہمیت دی تہ جگرو نس
تیرینی عمرو تہ ای لمحو نو روخسی وا
کلام نویشی ہتو غو نسہ بیکو دی
نشان تہ تین دوئی ہسے ہردیار صحیح وا
خالق لا یزال جنتہ ژاغہ تہ تین دار
ہر دیار دعا فداؔ کو ری ہوئی راہی وا
فدا محمد فداؔ ڈنگریکاندہ چترال
