اہلسنت والجماعت کی طرف سے دنین میں عظیم الشان مظلوم مدینہ کانفرنس کا انعقاد

چترال ( نمائندہ چترال ایکسپریس ) اہلسنت والجماعت کے زیر اہتمام گذشتہ روز جامع مسجد گلوغوٹیک دنین میں ایک عظیم الشان مظلوم مدینہ کانفرنس منعقد ہوئی ۔ جس میں خلیفہ سوئم حضرت عثمان غنی رضی اللہ تعالی عنہ کی شہادت اور دینی خدمات پرروشنی ڈالی گئی ۔ چترال کے معروف خطیب اور ادیب و شاعر حافظ خوش ولی خان ولی نے کانفرنس سے خطاب کرتے ہوئے کہا ۔ کہ حضرت عثمان غنیؓ وقت کے وہ عظیم خلیفہ تھے جو چالیس دن تک پیاسا رہ کر شہادت قبول کی اور ملک میں انتشار اور خونریزی کا دروازہ بند کر دیا ۔ اُمت مسلمہ کو انتشار و افتراق سے بچا لیا ۔ کانفرنس میں بزرگ عالم دین مولانا سراج الدین ،مولانا جاوید الرحمن ، مولانا افتخارالدین نے خطاب کیا ۔ اور چترال کے مشہور نعت خوان مفتی حسان الدین اور دیگر نے نعتیہ کلام پیش کیا ۔