ڈی سی لوئر چترال راؤ ہاشم عظیم کی زیر صدارت سروس ڈیلیوری اور گڈ گورننس فریم ورک پر عملدرآمد کے حوالے سے پرفارمنس ریویو کا اہم اجلاس

چترال(نمائندہ آئین)ڈپٹی کمشنر لوئر چترال راؤ ہاشم عظیم کی زیر صدارت سروس ڈیلیوری اور گڈ گورننس فریم ورک پر عملدرآمد کے حوالے سے پرفارمنس ریویو کا اہم اجلاس ڈپٹی کمشنر آفس میں منعقد ہوا۔
اجلاس میں ایڈیشنل ڈپٹی کمشنرز، اسسٹنٹ کمشنرز، اور صحت، تعلیم، سپورٹس، لوکل گورنمنٹ، پولیس، ، ریسکیو، سوشل ویلفیئر، لائیو اسٹاک، ٹوارزم، فاریسٹ، ایگریکلچر، یوتھ افیئرز سمیت تمام محکموں کے افسران نے شرکت کی۔
اجلاس میں ضلعی محکموں کی کارکردگی، عوامی سہولیات کی فراہمی، صفائی کی صورتحال اور سروس ڈیلیوری فریم ورک پر تفصیلی غور کیا گیا۔ شہری مسائل کے فوری حل کے لیے تمام محکموں کو عملی اقدامات یقینی بنانے ، انسپکشن کے معیار کو بہتر بنانے اور ڈی ایف سی/اے ایف سی قانونی کارروائیاں خود یقینی بنانے کی ہدایات کی گئی۔
کنزیومر پروٹیکشن ایکٹ کے تحت شہریوں کے حقوق کا مؤثر تحفظ یقینی بنانے،
ڈرگ انسپکٹرز مجسٹریٹس کے ہمراہ معائنہ کرنے اور خلاف ورزی پر فوری قانونی کارروائی کرنے کی ہدایت کی گئی۔ سروس ڈیلیوری فریم ورک کے ہفتہ وار انڈیکیٹرز بروقت مکمل کرنے،محکمہ سی اینڈ ڈبلیو کو سڑکوں کی بحالی، صفائی اور ترقیاتی منصوبوں کی رفتار مزید تیز کرنے کی ہدایت کی گئی۔
اجلاس میں لوکل گورنمنٹ کے صفائی نظام میں بہتری کو سراہتے ہوئے اضافی اقدامات اٹھانے کا کہا گیا۔
اجلاس میں ہدایت کی گئی کہ تمام محکمے اپنے مسائل صوبائی حکومت کے ساتھ شیئر کریں اور تفصیلی رپورٹس ڈی سی آفس کو فراہم کریں۔
لائیو اسٹاک کو ادویات کی دستیابی اور ویٹرنری سروسز کی فراہمی یقینی بنانے کی ہدایت کی گئی۔
پبلک واش رومز کی صفائی اور پرائس کنٹرول میکنزم میں مزید بہتری لانے،
ٹی ایم اوز کو سبزی منڈی اور اڈوں میں آپریشن، صفائی، سکیورٹی چیک اور تجاوزات کے خاتمے کا حکم دیا گیا۔
سبزی منڈی میں روزانہ اپڈیٹ ہونے والے بڑے پرائس لسٹ بورڈ کی تنصیب اور سبزی منڈی اور بس اسٹینڈز پر سینٹری ورکرز کی باقاعدہ حاضری یقینی بنانے کی ہدایت کی گئی۔
ڈپٹی کمشنر نے کہا کہ تمام محکمے ضلعی سطح پر مربوط انداز میں کام کریں۔ عوامی مسائل کا بروقت حل، شفاف طرزِ عمل اور گڈ گورننس کا نفاذ ضلعی انتظامیہ کی اولین ترجیح ہے۔

اس خبر کو پرنٹ میں حاصل کریں