اسلامی جمعیت طلباء چترال کی طرف سے سیلاب سے متاثرہ بچوں کے لئے ٹینٹ سکول کا آغاز

چترال(نمائندہ چترال ایکسپریس)اسلامی جمعیت طلباء ضلع چترال کے زیر انتظام متاثرین سیلاب طلباء وطالبات کیلئے سیلاب میں تباہ شدہ سکولوں میں طلبہ کے مسائل کو مدنظر رکھتے ہوئے ٹینٹ سکول سروس کا آغاز کیا۔اسلامی جمعیت طلباء چترال کے ناظم اشفاق احمد نے ایک اخباری بیان میں کہا کہ مکتب سکولوں میں چھوٹے بچے اور بچیاں پڑھتے ہیں لیکن اب چترال میں سیلاب کی وجہ سے تین مکتب سکول مکمل طورپر تباہ ہونے کے بعد بدقسمتی سے حکومت دوبارہ بحال کرنے کے بجائے مکتب سکول سسٹم کو ختم کرنے پر تلے ہیں۔انہوں نے کہا ایسے میں اسلامی جمعیت طلباء کی طرف سے باقاعدہ ٹینٹ سکول اور مقامی اساتذہ کے زیر نگرانی میں کلاسسز شروع کیے گئے ہیں تاکہ سیلاب سے متاثرہ طلبہ وطالبات کے تعلیمی سال ضائع نہ ہو۔اس سلسلے میں موڑکہو گہت میں ایک ہفتے سے کلاسسز چل رہی ہے اور اگلے دوروز بعد بمبوریت میں بھی ٹینٹ سکول کا انتظام عمل لایا جائے گا۔

اس خبر کو پرنٹ میں حاصل کریں