تازہ ترین

صوبائی حکومت کی طرف سے جنجریت کوہ روڈ کیلئے تین کروڑ روپے منظور،مڈل سکول کو ہائی کا درجہ دینے پرصوبائی حکومت اورایم پی اے کاشکریہ

دروش( نمائندہ چترال ایکسپریس)تحصیل دروش سے تقریباً18کلومیٹر کے فاصلے جنجریت کوہ ویلی کیلئے صوبائی حکومت کی طرف سے روڈ کیلئے تین کروڑ روپے اور مڈل سکول مردانہ کو ہائی سکول کا درجہ دے دیا گیا۔علاقے کے عمائدین نے میڈیا سے گفتگو کرتے ہوئے پاکستان تحریک انصاف کی صوبائی حکومت اور خاتون ایم پی اے و پارلیمانی سیکرٹری بی بی فوزیہ کا شکریہ ادا کیا اورکہا کہ ہمارے مشکلات کو مد نظر رکھتے ہوئے علاقے میں ترقی کیلئے اقدامات شروع کر دیے ہیں۔جس میں جنجریت کوہ ویلی کے دشوار گزار راستوں سے گزرنے والے روڈ کیلئے کثیر رقم اور تعلیم کو مد نظر رکھتے ہوئے علاقے میں طلباء کیلئے مڈل سکول کو ہائی کا درجہ دینا شامل ہیں۔جنجریت کوہ روڈ جو کہ انتہائی خطرناک اور تنگ راستہ تھا تین کڑور روپے منظور کر کے جنجریت کوہ ویلی کو چترال کے دوسرے علاقوں سے با آسانی نقل و حمل کیلئے آسان بنایا جائے گا۔جب ساتھ ساتھ تعلیم کے لحاظ سے پاسماندہ جنجریت کوہ ویلی کے مڈل سکول کو ہائی کا درجہ دیکر تعلیم کی سہولیت بھی میسر کی گئی۔ہمیں یقین ہے کہ ایم پی اے و پارلیمانی سیکرٹری بی بی فوزیہ چترال کی ترقی میں اپنی پر خلوص کوششیں جاری رکھیں گے اور ساتھ ساتھ پی ٹی ائی کی ضلعی قیادت بھی چترال میں احساس محرومی کو ختم کرنے میں اپنا کر دا کریں گے۔


اس خبر پر تبصرہ کریں۔ چترال ایکسپریس اور اس کی پالیسی کا کمنٹس سے متفق ہونا ضروری نہیں
مزید دیکھائیں

متعلقہ مواد

اترك تعليقاً

إغلاق